Eula, madalas pa ring kasama ang nali-link na sexy actor

Dapat kayang bigyan ng malice kung makikitang magkasama sina Eula Valdez at ang nali-link sa kanyang sexy actor na hindi ko talaga ma-recall ang name, though ilang beses ko na rin siyang napanood sa pelikula na usually ay boyfriend ng character na may asawa?

Anyway, kasi nauna nang sinasabing naka-focus ang attention ngayon ng actress sa nasabing sexy actor na balitang na-develop sila sa play na Zsa Zsa Zaturnnah pero may nabasa rin akong hindi na kasama ang sexy actor because gusto raw nitong umiwas sa actress dahil nadi-develop na nga sila. Eh common knowledge naman na may asawa si Eula although may report din na hiwalay na sila.

Naalala ko ‘to dahil last weekend, magkasama naman sila Eula at ang nasabing sexy actor eh di ba nga sabi hindi na sila magkasama sa play? I Think after ‘yun ng play na Zsa Zsa Zaturnnah sa CCP at tumuloy sila sa Harbour Square in CCP Complex.

Hay whatever, kung liligaya sila why not!

Hey at kaya pala sobrang sexy ni Eula ay nagpa-Smart Lipo siya kay Dra. Vicki Belo.

* * *

Bakit ganun, parang mas nagi-enjoy akong panoorin ang American Idol kesa Philippine Idol noon sa ABC 5?

Sa latest season ng American Idol kung saan nagpapa-audition pa lang sila, nakakatuwang panoorin ang mga contestant na meron pang nagda-drama bukod pa sa mga nakakatawang eksena, mapansin lang.

Ah alam ko na, malamang dahil sa judges. Mababait kasi ang mga naging judges sa Philippine Idol kaya hindi masyadong na-curious ang mga televiewers - sina Francis Magalona, Pilita Corrales and Mr. Ryan Cayabyab. Masyado silang considerate at hindi masyadong nakakatawa ang mga comments.

Samantalang ngayon, pag pinanood mo ang audition ng American Idol, pagpupuyatan mo talaga.

Come to think of it, sayang ang Philippine Idol. Sa nagkalat na text messages ngayon about ABC 5 na balitang sobrang laki ang nalugi sa nasabing station dahil sa PI. Nag-expect kasi talaga ang management ng ABC na tataas ang ratings ng mga programa nila after na makuha nila ang franchise ng PI. Kaso hindi ganun ang nangyari. Ang balita, ito pa ang reason kaya maraming programa ng ABC 5 ang nagsara o magsasara na nga ba dahil sa laki ng losses sa franchise fee pa lang ng programa.

Anyway, asan na nga pala ang grand winner ang Philippine Idol na si Mau Marcelo?

* * *

Kahit papaano, nagsasalita na si John Lloyd Cruz tungkol sa girlfriend niyang fashion editor ng isang glossy mag na si Liz Uy. Pakonti-konti lang. Kung hindi pa nga pilitin, parang ayaw pa rin.

Na-mention during the interview after his launching as official endorser ng Biogesic, may ilan-ilan na siyang kuwento about Liz compared before na wala ka talagang makukuha sa kanya. Like avid follower pala ito ng drama series nila ng kanyang on-screen partner na si Bea Alonzo, ang Maging Sino Ka Man. In fact, pag hindi raw ito nakakapanood, pinapa-tape pa niya ang mga episodes para hindi niya ma-miss.

Hindi rin daw negative ang reactions nito sa mga kissing scenes nila ni Bea Alonzo kaya wala silang problema.

Controlled si John Lloyd sa mga kuwento about Liz although admitted siya na marami na itong nagawa sa kanya as partner, bestfriend etc particular na sa kanyang pananamit.

* * *

As of presstime, ceasefire sa pagitan nina Gretchen Barretto and Tita Lolit Solis. As in nakipag-ayos pala sa kanya si Gretchen. Tumawag daw ito at kinausap din ng partner ni Gretchen na si Mr. Tony Boy Cojuangco.

Actually, good move din ito sa part ni Gretchen dahil grabe na ang intriga sa kanila. Kung anu-anong kuwento na lang din ang lumalabas sa kanila ni Lani Mercado na nag-decide na ring manahimik.

Marami-rami na rin kasi ang nadadamay sa mga issue na dapat ay nanahimik na lang talaga si Gretchen.

Actually, si Gretchen ang lumalabas na nega. Kaya after nitong magsalita last week, nag-iiyak itong tumawag kay Tita Lolit Solis na nung una raw ay hindi sinasagot ni Tita Lolit. At nang finally ay sagutin niya, pati si Mr. Cojuangco ay maayos siyang (Tita Lolit) kinausap.

Mamaya sa Startalk, parang exciting na namang panoorin dahil hindi natin alam kung magkakaroon ng control si Tita Lolit na hindi magsalita tungkol sa issue nina Gretchen at Lani.