2 broadcaster, may inggitan sa regalo

Malapit na ang election kaya marami na ang aligaga.

Maraming artista ang nag-declare na ng kandidatura pero marami pa rin naman ang hindi pa decided.

Marami ring broadcaster ang hindi pa decided gaya nina Korina Sanchez at Mike Enriquez.

Si Richard Gomez naman, walang direct admission kung sasali sa pulitika, ayon kay Tito Douglas Quijano, manager ni Goma, wala pang definite plan ang kanyang alaga though maraming nagsasabi na mas malakas ang laban nito kung lalaban siyang senador kesa gobernador ng Bulacan.

Next month na ang simula ng campaign period kaya one of these days ay mapa-finalize na kung sinu-sino ba ang gustong mag-pulitika.

* * *

In fairness, ang bilis ng denial ng kampo ni Robin Padilla tungkol sa issue ng pagiging spoiled niya sa GMA 7.

Nakuwento kasi ng isang source na may mga demands si Robin habang nagti-taping sila ni Angel Locsin ng Asian Treasures at pati ang pakikialam nito sa pagdidirek ng nasabing action serye ng GMA 7.

Ang manager ni Robin ang sumagot sa mga lumabas na issues.

Denial ang siguradong answer pero mas ok pa naman itong pag-usapan kesa sa nakakaumay ng issue kung saan inili-link siya sa break up nina Angel Locsin and Oyo Boy Sotto.

* * *

May inggitan factor pala sa dalawang newscaster/anchor ng isang channel.

Ang issue, isang well-known doctor ang nagbigay ng Christmas gift sa dalawang broadcaster na bida sa kuwento. Eh nalaman ni Broadcaster number 1 na mas mahal ang binigay ni Dra. kay Broadcaster no. 2 kaya emote si Broadcaster no. 1 sa mga friends niya at sinasabing bakit mas mahal ang binigay kay Broadcaster no. 2 samantalang mas matagal na siya kesa kay Broadcaster no. 2 na mas madalas nasa labas.

Pareho pang single ang dalawang broadcaster. Si Broadcaster na may inggit factor ay naging gf ng isang kilalang personality samantalang si Broadcaster no. 2 ay may show na rin sa cable channel.

* * *

May issue pala noon kina Jeni Hernandez at Joross Gamboa. Nakakataka lang na may ganung issue sa pinag-uusapang break up pa rin nina Joross at Roxanne Guinoo.

Naungkat kasi ang issue dahil magkasama sina Joross at Roxanne ngayon sa Love Spell na nagsimulang mapanood last Sunday entitled Line To Heaven, isang magical love story with a twist. Maraming nakapanood last Sunday ang nagsabi na hindi naman obvious na hindi na sila together dahil natural pa rin ang pagiging sweet nila.

Nagkaroon din no’n ng issue na hindi tanggap ng pamilya ni Roxanne si Joross. May mga lumalabas pa ngang hindi raw makapasok si Joross sa house nila Roxanne. Pero may sagot agad si Roxanne: "Hindi naman po ganun kabastos ang pamilya ko."

Anyway, bukod kay Jeni Hernandez, kasama rin sa mga naging cause umano ng break up nila sina Michelle Madrigal at Katherine Luna (yes ‘yung sexy star na balitang kapapanganak pa lang). Pero dedma na si Roxanne.

Wala na raw silang problema ngayon at nakaka-work na sila ng normal compared noong after ng break up na talagang nagkakailangan sila.

"Kahit anong mangyari, special sa akin si Joross kahit siguro may iba na ako," she said.

Admitted din si Roxanne na mahal pa rin niya si Joross. ‘Yun nga lang, mukhang malabo na silang mag-reconcile ngayon.

At any rate, napapanood ang Love Spell every Sunday pagkatapos ng Your Song sa ABS-CBN.