StarStruck’s Top 20

Nagsimula sa 10 libo, ngayon ay 20 na lamang ang natitirang mga kandidato para sa StarStruck: The Next Level na binubuo ng mga kabataang may edad 16-21 na binubuo nina Ajur Abrenica, Pampanga; Chad Burden, Cebu; Chariz Solomon, Pasay; Dave Valentino, Marikina; Dex Quindoza, Manila; Hazel Uy, Cebu; Jan Manual, Laguna; Jean de Castro, Mandaluyong; Jesi Corcuera, Pasay; Jewel Mische, Bulacan, Kiko Junio, Pampanga; Kris Bernal, QC; Lizzy Pecson, Pampanga, Lui Perez, South Cotabato; Mart Escudero, Cavite; Paulo Avelino, Baguio; Prince Stefan, Iloilo, Renee Lascuna, Davao, Rich Asuncion, Bicol at Stef Prescott, La Union.

Nakasalalay ang kapalaran ng 20 sa SS Council na binubuo nina Lorna Tolentino, Louie Ignacio at Douglas Quijano at sa text votes ng kanilang supporters. Bukas na ang SMS voting para sa mga dapat makapasok sa Top 14, i-text ang STARSTRUCK<space> Pangalan ng SS Survivor at ipadala sa 2344 para sa Globe at TM at 367 para sa Smart & Talk n Text users.

Sa Dis. 31 sa live New Year countdown ng GMA7 sa Rajah Sulayman Park Baywalk, Manila, mahigit sa isa ang matatanggal sa gaganaping elimination.

* * *

Salamat sa mga nag-text para magbigay ng magandang payo at suhestyon sa kung paano ako makakamura sa aking anti-rabbies injection tulad ni Dave Enriquez na talagang detalyado ang pagkakabigay sa akin ng address ng isang ospital na mga insect, o even snake bites ang specialization. -Veronica R. Samio