Ace Vergel, laging panalo sa karera ng kotse!

Hindi man busy ngayon sa paggawa ng pelikula ang action star na si Ace Vergel, busy naman ito sa kanyang kinahihiligang sports simula pa ng kanyang pagkabata, ang car racing. Humigit kumulang na nga sa 40 medalyang ginto, bronze at iba’t ibang klaseng tropeo na sagisag ng kanyang pagkapanalo ang nakamit na ni Ace Vergel.

Ayon nga mismo sa guwapo pa ring action star, kadalasan kasali siya sa Vortex Car Race. Sa totoo lang, wala pa ring pinagbago si Ace. Siya pa rin yung magaling na action star na in person ay talagang super gwapo at macho pa rin-taliwas sa mga nababalitaang lagi itong wala sa sarili.

Tinatawanan na lamang ni Ace ang ganoong mga balita dahil kahit isa man sa mga ikinaso sa kanya specially ang droga eh, nabasurang lahat sa korte. — Charlie V. Lozo