Pauleen, pinahihirapan si Marvin!

Inamin ni Pauleen Luna na pinahihirapan niya sa panliligaw si Marvin Agustin.

"Ayaw ko pang magkaroon ng karelasyon dahil nagko-concentrate pa ako sa aking career. Mag-aasawa lang ako pagdating ko ng tamang edad, 25 years old. Araw-araw nagtatawagan kami ni Marvin at very sweet naman siya. Pag nagugutom ako ay nagpapadala agad siya ng pagkain," sey nito.

Toni, Ayaw Humiwalay Sa Magulang

Kung ang ibang artista na nasa tamang edad na at kumikita naman ay mas nanaising kumuha ng condo unit para makapamuhay ng solo ay taliwas ito kay Toni Gonzaga.

"Ayaw kong humiwalay sa pamilya ko for security purposes. Walang mas mag-aalaga kaysa tunay mong pamilya. Kuntento ako at mas masaya sa piling ng mga magulang ko at kapatid," sey ng magandang aktres.

Ratsada ngayon ang career ni Toni dahil bukod sa TV shows ay may gagawin pa rin itong pelikula na pang-post Valentine presentation ng Star Cinema tentatively titled Huli Ka kasama sina Sam Milby at Zanjoe Marudo. Palapit na rin ang Pinoy Big Brother Season 2 kung saan siya pa rin ang magiging host. Endorser ito ng Bluewater Spa katambal si Brad Turvey.

Alfred-LJ Sa New York Magba-Bagong Taon

Abala na ngayon sa promosyon ng ZsaZsa Saturnnah si Alfred Vargas. Dito siya magpapalipas ng Kapaskuhan kasama si LJ Reyes pero sa New York magpapalipas ng Bagong Taon ang dalawa sa New York. Dadalawin nila ang mommy ni LJ.

BLIND ITEM: Maitim Ang Kilikili

Sa isang showbiz affair ay naroon ang sikat na young actress. Walang problema ang mukha nito dahil maamo ito at maganda. Kaya lang napuna ng ilang reporter ang kanyang maitim na kilikili dahil naka-sleeveless ito.

"Dapat niyang ipa-scrub ang kilikili para pumuti ito. Ngayon pa namang ratsada ang kanyang career," sey ng isang mataray na reporter.

Visible sa soap opera ang young actress at magaling ding kumanta. - Emy Abuan