Mark, galit kay DJ Mo!

Ngayong hapon, Linggo, makakapanayam ng entertainment press ang top 6 ng Pinoy Dream Academy na siyang ibinoto ng buong Pilipinas.

At sa darating na Linggo, December 17 naman maglalaban-laban ang anim para malaman kung sino ang may karapatang maging 1st Star Dreamer.

Sa survey before ay pangalan ni Yeng Constantino ang bet ng lahat na mananalo, pero nitong mga huling linggo ng top 8 scholars ay lumabas na ang pangalan nina Jay-R Siaboc, Jr at Ronnie Liang na may posibilidad daw na manalo rin.

Maraming nagulat lalo na ang Yeng fans dahil hindi pa pala sure ang pride ng Rizal na siyang mag-uuwi ng condo unit, isang milyong piso, pangkabuhayan showcase at kung anik-anik pa.

Kaya naman hindi namin naiwasang hindi tanungin si Eman Abatayo na bestfriend ni Jay-R na hula rin na ito ang mananalo, "Complete package na po kasi si Jay-R, hindi lang siya singer, puwede ring artista.

"Lamang lang po ni Yeng ay songwriter siya, bukod do’n ay pantay na sila ni Jay-R," pangangatwiran ng 12th expelled scholar.

At bakit si Ronnie?

"Grabe, super lakas niya sa text votes, maraming may gusto sa kanya at kung maganda ang performance niya sa finals, pasok siya," esplika pa ni Eman.

Samantala, klinaro ni Eman ang closeness nila ni Irish Fullerton ng California.

"Naku, hindi po, totoong sobrang close lang kami talaga ni Irish kasi kami yung nagkahulihan ng loob.

"May girlfriend po ako sa Iloilo, hindi ko siya ipagpapalit. Sobrang mabait lang talaga si Irish, akala ng iba, mataray, pero sobrang bait at malambing talaga," paliwanag ng binata.

Ang talaga raw crush niya nung nasa Cebu palang silang lahat ng candidates for PDA ay ang hindi napiling si Wendy Valdez na miyembro na ngayon ng Dream Girls na binuo naman ni direk Laurenti Dyogi.

* * *

Kinaiiritahan ngayon ni Mark Herras ang kontrobersyal na radio host ng 89.9 Magic FM na si DJ Mo dahil marami na raw itong artistang nababastos dahil sa mga pagtatanong niya sa guests.

"Ayoko siyang makita, naiirita ako sa pagmumukha niya, binabastos niya ang mga artista, ano ba tingin niya sa amin?

"Ayoko siya makita, baka ano lang magawa ko," kunot noong pahayag ni Mark.

Actually, nasa guest artist naman yun kung sasagutin niya ang mga tanong ni Mo Twister dahil may questionnaire at wala namang pilitang nangyayari sa pagitan nina Mo at guest artist.

Anyway, si Mark ang may pinakamalakas na power among the Super Noypi cast dahil siya raw yung may telekinesis. — Reggee Bonoan