‘Out of Town’ ng NBN 4, lumalaban sa ratings

Sa latest survey ng mga programa sa telebisyon tuwing araw ng linggo, patuloy na tumataas ang rating ng programang Out Of Town ng NBN Channel 4 kung saan ang host nito ay ang batikan ding manunulat/reporter na si Abel Cruz.

Maswerte ngang masasabi ang nasabing programa na kahit ang katapat na mga programa nito sa telebisyon ay SOP at ASAP ay lumalaban ito sa dami ng mga manonood.

Ibang show naman kasi ang Out Of Town na ito ni Abel Cruz na nagbibigay aral, inspirasyon sa mga manonood. Educational din ito kung saan patuloy tayong ipinapasyal ni Abel sa iba’t ibang dako ng ‘Pinas at iba pang lugar sa ibang bansa.

Sabi nga, mahihirapan kang malungkot at mangulila habang pinapanood mo ang programa na nagdadala sa’yo sa mga lugar, bayan, atbp.

Napapanood tuwing araw ng Linggo, 12NT — pakaabangan ang pamamasyal ni Abel sa ibang panig ng America. — Charlie V. Lozo