Maricel Soriano, reyna ng Cinemanila

Sosyal ang ginanap na awards night ng Cinemanila International Film Festival ngayong taon. Sa Malacañang lang naman ang awards night last Saturday night kasabay ng pagbibigay ni PGMA ng Presidential Medal of Merit kina Mr. Federico Aguilar Alcuaz, Oscar de Zalameda, Mauro Malang Santos and Manuel Conde.

Si Presidente GMA ang personal na nag-abot ng mga trophy sa mga nanalo sa Cinemanila ngayong taon na napapanood sa Mall of Asia Centerstage and Greenbelt theater hanggang sa November 15.

Kasama sa mga nanalo ang Kubrador bilang grand prize sa International Film Category in Competition - Lino Brocka Award. Nakaka-walong taon na ang Cinemanila at ngayon lang nagkaroon ng Tagalog film na grand winner.

Maging ang producer ng Kubrador ay nagulat sa resulta, si Atty. Joji Alonso. "Si Gina (Pareño) lang ang ini-expect kong mananalo as best actress," sabi ni Atty. Joji after ng awarding ceremonies sa Malacañang Saturday night.

Anyway, kasama sa mga nanalo sa international category ang mga sumusunod: Special Jury Prize: Everlasting Regret/Stanley Kwan (Hongkong); Lee Young-Ae/Park Chan Wook’s "Sympathy for Lady Vengeance (South Korea); Best Actor: Alexei Chadov in Fyodor Bondarchuk’s 9th Company (Russia/Ukraine/Finland); Ishmael Bernal Award for Young Cinema: Jobin Ballesteros’ Ballad of Mimiong’s Minion Best Short Film: Janus Victoria’s Hopia; Express Best Documentary: Tomer Heymann’s Paper Dolls; Digital Lokal Competition: Best Picture: Manoro/Dante Mendoza; Best Director: Dante Mendoza for Manoro, Grand Jury Prize: Khavn Dela Cruz’ Squatter Punk; Best Actress: Maricel Soriano in Numbalikdiwa; Best Actor: Archie Adamos in Raket ni Nanay. Sayang lang nga at hindi masyadong na-play up ang ibang pelikula sa Cinemanila. May mga entry pala ang malalaki nating artista. Like ‘yung kay Maricel.

Ang best picture na Hopia Express ay starring si Mark Anthony Fernandez.

* * *

Pinangunahan ni Presidential Consultant on Entertainment Mr. Vic del Rosario ang mga nag-attend sa nasabing seremonya.

Present din sina Film Development Council Chairman Mr. Rolando Atienza, Ms. Christine Dayrit, Chairman, International Film Festival Committee, FDCP and chairman of Cinema Evaluation Board, Ms. Cecille Guidote-Alvarez, Executive Director, National Commission for Culture and Arts, National Artist Eddie Romero na nagkaroon ng malaking part sa Cinemanila ngayong taon.

Si Mr. Amable "Tikoy" Aguiluz VI ang founder and director ng Cinemanila. – SALVE ASIS