Puro press release ang mga boyfriend

Feeling ni Anne Curtis ay napakahaba ng buhok niya dahil maraming mga eligible bachelors sa showbiz ang kundi man inili-link sa kanya ay sinasabing boyfriend na niya – Sam Milby, Zanjoe Marudo at Luis Manzano.

"Friends ko lang ang mga ito, kung lumalabas man kami, mga friendly dates ito and with some friends. Sa totoo lang, tatatlo pa lamang ang naging bf ko, sina Oyo Boy Sotto, Richard Gutierrez at si Paolo Araneta. Friends ko pa rin sila kahit na wala na kaming relasyong apat," amin ng magandang aktres na isa sa dalawang tampok sa nakakatakot na palabas ng Star Cinema, ang Huwag Kang Lilingon.

Dalawa ang istorya ng pelikula na nagtatampok din kay Kristine Hermosa kaya dalawa rin ang direktor, si Quark Henares sa Uyay na pinagbibidahan ni Anne. Si Jerry Sineneng ang direktor ng episode na Salamin ni Kristine.

Tungkol sa mga mahiwagang pagkamatay sa isang ospital; ang Uyay at isang salamin naman na nakakapagpakita ng mga mangyayari ang Salamin.

Going back to Anne, sinabi nito na ayaw muna niyang mag-boyfriend after Paolo.

"Masaya ako ngayon kahit nag-iisa at walang boyfriend. Pag may libre akong oras, sarili ko na lang ang iniisip ko di pares ng dati na obligado ako sa ibang tao. Happy na ako sa ganito," dagdag pa niya.

* * *

Naging parang image na rin ni Rannie Raymundo ang image ng kanyang younger brother na si Lance.–pabling. Sa mall Tour ni Mayo Susuki, itinutukso siya rito bagaman at napaka-gentleman naman ni Lance para i-take advantage ang napakagandang teener. At the moment, co-workers lamang sila who enjoy each other’s company.

Sa presscon para sa concert ni Lara Morena na kasama uli siya, tikom naman ang bibig niya dahil open naman siya sa pagsasabi na crush niya ito. It doesn’t matter kung mas may edad sa kanya ito.

Kung tutuusin, wala naman talagang time si Lance for other things bukod sa kanyang singing.

Abala siya sa promo ng kanyang "The Beautiful Side" single, na isa sa mga cuts ng kanyang album na may same title. Downloadable lahat ng content nito sa www.thebeautiful side.com. Makikita rin dito ang mga activities niya for the album. Bagong service ito na ibinibigay ng SYNERMAXX sa mga singers para mai-share nila ang music nila.

* * *

E-mail: [email protected]