Marvin, kasundo ang pamilya ni Pauleen!

Sincere si Marvin Agustin sa kanyang intention kay Pauleen Luna kaya naman pormal niya itong dinadalaw sa kanilang bahay. Kasundung-kasundo ni Marvin ang pamilya ni Pauleen.

Open book ang buhay ni Marvin sa publiko ganundin kay Pauleen at sa pamilya nito kaya hindi kaila sa mga ito ang kanyang pagiging isang binatang-ama.  May one-year-old twins si Marvin na sina Santiago at Sebastian sa non-showbiz girl na si Tetet Dy na minsan ding na-link noon sa magpinsang Niño at Albert Muhlach, ang nakababatang kapatid ni Aga Muhlach.

May special arrangement si Marvin sa ina ng kanyang kambal kaya walang problema kung magkarelasyon man siya sa iba. 

Si Marvin ay isa sa mga kabataang aktor na marunong sa buhay.  Sa kabila ng kanyang pagiging abala sa kanyang showbiz career ay nagpatuloy siya sa kanyang pag-aaral at pinasok niya ang pagnenegosyo na kanya ngayong pinakikinabangan.

* * *

<[email protected]>