Showbiz activities, kanselado dahil kay Milenyo

Malala na ang issue tungkol sa ex-boyfriend ng actress. Tama ba ang narinig ko na ginamit ang lahat ng connection para lang matapos ang issue?

Anyway, very sensitive ang topic kaya nakakatakot na. Basta may update ang source ng Baby Talk sa nasabing issue.

* * *

Grabe, naka-20th invitation ang digifilm na Kubrador. In a text message of Atty. Joji Alonzo, she said that the movie daw will be screened sa Asian section ng Dubai International Film Festival on Dec. 10-17.

Ayon sa artistic director ng said film festival of international programming na si Mr. Simon Field: "I think it’s a very special film, very restrained yet very emotional and with a very really confident visual style and a marvelous central performance."

Malayo na ang narating ng pelikulang Kubrador na tumalakay sa buhay ng mga kubrador starring Gina Pareño under the direction of Jeffrey Jeturian.

As of presstime, nag-text uli si Atty, at ibinalitang may invitation din sila sa 10th Black Nites Film Festival sa Tallin, Estonia on December 1 to 10. "It will be shown along side other award winning films. From Rome, Jeffrey and gang will fly to Bratislava, Slovak Republic then to Tallin, then to Dubai and finally to the Suchitra Filmfest in India," informed Atty. Joji.

* * *

Bakit ganun, ang gaganda nang naiisip na idea ng Showbiz Stripped? Mga topic na hindi dati na-tackle sa ibang talk show. Like tonight, episode title nila ang Unhappy Ever After.

Lubos ang ating paniniwala na one day, we will find true love. Na isang araw makikilala rin natin ang ating prince charming. Na we will live happily ever after. Pero sa showbiz, possible ba ito o isang pangarap lang? Mga kuwento ng pag-ibig na naghahanap ng magandang ending.

Meron ba talagang forever na kaligayahan? Alamin sa Unhappy Ever After episode ng Showbiz Stripped tonight hosted by Ricky Lo sa GMA 7 after Hokus Pokus.

* * *

Parang Korean movie ang trailer ng TXT starring Angel Locsin, Dennis Trillo and Oyo Boy Sotto. In fairness, ang ganda ng pagkagawa. Nakakatakot at parang malalim ang kuwento ng katatakutan.

After this movie, marami pang mga naka-line up na movie sa Regal si Dennis. Isa sa mga gagawin niya ang comedy movie na pinag-aaralan pa nila Mother Lily Monteverde at kung sino ang makakasama niya.

* * *

Maraming rason para i-celebrate ng pop music superstar na si Beyoncé ang kanyang much-anticipated new solo album "B-Day" na released worldwide last Sept. 4 in time sa kanyang 25th birthday.

Ang sophomore studio album ay co-produced, written and arranged by Beyoncé mismo.

Ang "Deja Vu," ang first single ng album, features guest artist Jay-Z at kasama sa co-producers sina Rich Harrison, The Neptunes and Swizz Beatz. Other tracks include another Jay-Z collaboration "Upgrade U" and Suga Mama," "Getting Bodied," "Kitty Kat," "Freakum’ Dress," "Green Light," "Resentment" and her new singles "Ring The Alarm and Irreplaceable."

Hindi pa natatagalan nang manalo ang MTV VMA, ang no. 1 single "Check On It" featuring Slim Thug na included as a bonus for Asian fans.

First solo work ni Beyonce ang kanyang new album since her no. 1 multi-platinum 2003 solo album debut, "Dangerously In Love" kung saan naka-earn siya ng five 2004 Grammy awards.

With her five-in-one year Grammy win, naka-tie siya sa record para sa most Grammys to be won in a single year by a female artist.

Bukod sa kanyang second album, natapos na rin niya ang upcoming film na Dreamgirls na ipalalabas sa December. Ang Dreamgirls ay film version ng smash Broadway musical - base sa R&B to pop crossover saga of The Supremes.

Anyway, out na sa market ang "B-Day" CDs ni Beyoncé under Sony BMG Music Entertainment. For more information on Beyonce, log on to www.sonybmg.com.ph.

* * *

Grabe ang bagyong milenyo. Hanggang kahapon nang hapon, wala pa ring kuryente at apektado ang entertainment scene dahil cancelled lahat ng mga showbiz activities.

Hindi biro ang nasabing bagyo. Nakakatakot. Lalo na last Thursday na habang nagda-drive ako going to the office ay feeling ko ay babagsakan ako ng mga natutumbang puno. Grabe as in. With matching malakas na ulan. Pero thank God, hindi naman nagtagal ang malakas na hangin.

Buti na lang at naunahan ko ‘yung bagyo papunta sa office or else, baka nabaha rin ako.

Hay, wala tuloy malaking istorya na pinag-uusapan ngayon sa showbiz, boring!

* * *

Salve V. Asis’ e-mail: [email protected]