Sa Piling Mo, nasa video na

Hindi pa man natatapos ang hit series ng ABS-CBN ay ini-release na ng Star Records Video sa DVD ang mga unang episodes nito ng Sa Piling Mo (Vol. 1), isang must-collect item para sa mga tagahanga ng mga bidang sina Judy Ann Santos at Piolo Pascual.

Sa SPM (Vol.1), si Jennifer ay lumaki sa mundo ng sabong at sugal. Pero, may pangarap din siya lalo pagdating kay Adrian na kahit bulag ay iniligtas ang kanyang buhay at tinuruan siyang umibig. At basta sa pag-ibig, itataya ni Jennifer ang lahat.

Kabituin sina Rica Peralejo at Albert Martinez, sa direksyon nina Jerry Lopez Sineneng, Trina Dayrit at Rory Quintos. Anim na volume ang kumpletong serye sa DVD na ang bawat isa’y may limang oras na drama, behind the scenes at music video. Sa halagang P150 na may raffle coupon, ang SPM (Vol. 1) ay available sa mga pangunahing video record bar sa buong bansa. Bilhin lamang ang orihinal! – ZAR BAISAS