Mark at Melissa, makakasal na rin!

Kung ipinagpatuloy lamang ng beauty queen-actress na si Melanie Marquez ang kanyang modeling career sa Amerika, isa na sana siyang malaking pangalan sa mundo ng modeling pero, may iba siyang prayoridad. 

Ganunpaman, may ibang Pinay na lumulutang tulad na lamang ng New York-based supermodel na si Cristina Angelica Garcia na siyang pabalat ngayon ng Uno Magazine na ang isa sa nagmamay-ari ay si Diether Ocampo.

Bukod sa kanyang pagiging supermodel, si Cristina ay isa ring kilalang interior designer sa New York, USA.  Lumaki siya sa Melburne, Australia kung saan siya nag-aral mula elementary hanggang college.  Nagtapos siya ng Bachelor of Arts, majoring in Classical Civilization and English Literature.  Isang taon din siyang nag-aral sa Philippine School of Interior Design (PSID) at tinapos niya ang  Interior Design sa Parsons School of Design sa New York.

* * *

Magiging legal na ang pagsasama nina Mark Anthony Fernandez at ng kanyang live-in partner na si Melissa simula sa linggong darating (Sept. 24) dahil magpapakasal na ang dalawa at ito’y gaganapin sa Tamayo’s Garden sa Puerta de Isabel II sa Muralla Street sa Intramuros Manila. 

Ang mga tatayong principal sponsors ay sina Senators Lito Lapid, Jinggoy Estrada at Bong Revilla; Phillip Salvador, Boy Abunda, Douglas Quijano, Steve Tamayo, Dr. Pablo Olivarez, Manila Councilor Bernie C. Ang, Bing Tecson, Jose Atienza, Felix Ravellas, Fimmy Puentespina, Felix Espiritu, Gina de Venecia, Mayor Vilma Santos-Recto, Dra. Vicki Belo, Korina Sanchez, Wilma Galvante, Mother Lily Monteverde, Cory Vidanes, Las Piñas Mayor Imelda Aguilar, Celine Clemente, Lolit Solis, Annabelle Rama, Cristine Aznar, Liza Iijima at Virginia Furuya.

Ang Best Man ay ang manager ni Mark na si Ronald "Dondon" Monteverde at Maid of Honor naman si Maria Teresa Diokno. Ang mga Groomsmen ay binubuo nina Pampanga Governor Mark Lapid, Vandolph Quizon at Ralph Gregor Fernandez.  Mga Bridesmaids naman sina Sheryl Miranda, Karen Puentespina at Win Wyn Marquez. 

Ang Candle Sponsors ay sina Jenny Salimao at Francis Lacsamana; Veil - Paula Punla at Jerry Chang at Cord sponsors naman sina Melissa Mendez at Richard Gomez.  Si Grace Cameron Fernandez ang Ring Bearer, Coin Bearer naman si Vittorio Joey Marquez.  Bible Bearer si Ralph Lowe Tan at mga Flower Girls naman sina Chelsea Cham, Francesca Antoinette Gregorio at Maria Maal Marquez.

Bukod kina Mark at Melissa, masayang-masaya sa kanilang pag-iisang dibdib ang mga magulang ni Mark na sina Rudy Fernandez at Alma Moreno at ang itinuturing na mga pangalawang magulang ni Mark na sina Lorna Tolentino at Joey Marquez.

* * *

<[email protected]>