Sino si Sofia?

Bakit parang itinatago ng Ivory Music si Sofia, ang bago nilang artist na ang specialty ay Bossa Nova?

Hindi naman daw, ang wika ng head ng Adprom Dept. Ang tinatarget nilang venue ay radio which is very effective in promoting a song. Gusto nilang lunurin ang ere sa carrier cut nitong "Just No Ordinary Day" na ang composer ay isang doctor named Vincent Ocampo.

Incidentally, if you want to see how Sofia looks, ang kanyang video ay madalas ipalabas sa cable TV 11. She is a refreshing, 21 year-old beauty na tumulong sa pag-research ng mga Bossa Nova materials hanggang sa pagpasiyahan ng Ivory na siya mismo ang kumanta nito.

* * *

Pakikinabangan ni Rannie Raymundo sa wakas ang kanyang kaalaman sa magic. Pumayag siyang lumabas sa musical play entitled Prinsesa (Hiwaga ng Kalikasan) bilang Haring Sakim mula sa planeta ng kadiliman. Marunong ng salamangka ang hari kaya perfect si Rannie for the role sa unang produksyon ng CLUE.

Ang prinsesa ay gagampanan ni Kyla. Mayroon siyang kapangyarihan na mula sa kabutihan at kalinisan mula sa kanyang paligid.

Another real life magician, si Herman Aquino ang tampok at ang magic and illusions na ipapakita ay kagagawan ni Herman. Sa Aliw Theater ito mapapanood soon. — Remy M. Umerez