12 grand finalists ng Philippine Idol, sila rin ba ang bet n’yo?

Hindi ko alam kung kanino ko ibubunton ang disappointment ko, sa mga judges ba o sa mga texters dahil di na naman nanalo ang mga inaasahan kong dapat manalo sa grand finals ng Season 3 ng Shall We Dance, the Celebrity Dance Challenge, at pati rin sa wild card category ng Philippine Idol.

Fifty percent lamang ang kinuhang porsyento para mapili ang grand champion pero, napakalaki pa rin ng naging role ng text votes sa naging panalo ni Roderick Paulate who is my best bet among the four celebrities pero, ang inaasahan kong makakalaban niya ng mahigpit at talagang nagpakita ng kagalingan sa lahat ng klase ng sayaw ay si Sheree and partner. Sad to say, pumangatlo lamang ito. Ang galing, ang ganda ng choreography/performance nila at very serious compared to Tuesday Vargas and Emilio Garcia & their partners. Akala ko lang pagalingan ng sayaw ang labanan, paramihan pala ng text votes.

I got my second disappointment for the evening. Kumpara sa Shall We Dance na 50/50 ang hatian ng porsyento between the judges and the texters, sa PI texters talaga ang nag-decide ng game. Pumuwede rin ang kai-kaibigan at kama-kamag-anak.

Hanggang sa pagpili lamang ng 24 grand finalists nagkaro’n ng say sina prof. Ryan Cayabyab, Pilita Corrales at Francis Magalona, tali na ang mga kamay nila sa pagpili ng 12. Kaya I’m sure hindi man nila aminin, nakaramdam din sila ng katulad ng naramdaman ko dahil yung mga alam nilang magagaling ay natsugi ng mga texters. Bakit mo nga naman pagpipilian sina Mau Marcelo at Suey Medina eh pareho silang magaling, bakit hindi sila isinama para pagpilian sa mga di gaanong magaling? Ang daming nasira ang loob nang di mapili si Ramirr Grepo eh obvious na ang galing- galing niya. Yan ang napakalaking disadvantage ng text voting, di lahat ng karapat-dapat ay nakakapasok. At di ako bow sa sinabing kahit sino sa 24 semi-finalists ay pwedeng maging grand finalists. Hindi po, dahil sa 24 may 12 na pinaka-magagaling at sa 12 meron ding lalabas na pinaka-magaling. Sana lang ang pinaka-magaling ang mamayani.

Mabuti na lamang at sa apat na nakuhang wild card finalists ay pumasok ang dalawa kong bet, kundi, mawawalan na rin ako ng tiwala sa tatakbuhin ng contest. Eh itinuturing ko ang sarili ko na marunong namang kumilala ng tunog ng musika at ingay having studied piano for many years and handled the PR of some of the countries better singers, studied and participated in many dance contests during my prime.

Nevertheless, sana ang maging bakbakan sa grand finals ay maging maganda at fair at good luck sa 12 grand finalists – Jeli Mateo, Steph Lazaro, Apple Chiu, Pow Chavez, Armarie Cruz, Jan Nieto, Reymond Sajor, Ken Dingle, Miguel Mendoza, Drae Ybanez, Mau Marcelo at Giancarlo Magdangal.

* * *

Tampok ang kapatid sa hanapbuhay na si Rey Pumaloy, dating segment host sa Eat Bulaga ("Aminin" portion) sa kanyang kauna-unahang solo show sa the Library na pinamagatang Reyna si Rey ngayong 9:30NG.

Si Andrew de Real ng the Library ang kumumbinse kay Rey na gawin ang kanyang first solo show at ito ang magpo-prodyus. Sa Mamu Andrew din ang nagbigay ng break kay Rey para maging isang sing-along master sa the Library tuwing Biyernes at tatlong taon na siya rito. Regular din si Rey sa Klownz Araneta tuwing Lunes kung saan di lang singing talent ang kanyang ipinakikita kundi maging ang kanyang talent sa pagkokomedi at hosting.

Guest ni Rey sina Rufa Mae Quinto, Ed Maro at Ara Mina, Major sponsor niya ang People Style Enterprises, ganun din ang PERT/CPM Manpower Exponent Inc., Artoista Magazine Canada, Mr. Boying Eustaquio at Lightscape. Para sa tiket na nagkakahalaga ng P250, tumawag sa the Library o 5222484.

* * *

E-mail: [email protected]