May clamor na kumandidato

Dahil sa lumalalang issue tungkol sa paga-underestimate ng marami sa mga artistang pumapasok sa pulitika, pinag-uusapan lalo ngayon si Kris Aquino.

Kahit sinabi na niyang wala siyang planong pumasok sa pulitika, mas marami ngayon ang pumapabor na mag-pulitika na lang siya. Pakiramdam ng maraming ordinary voters, di hamak na mas magaling pa ang TV host/actress kesa sa maraming pulitiko ngayon na nagkalat sa senado at mababang Kapulungan.

Sabi ng isa kong officemate na si Ms. Beth Repizo ng sports section ng PSN and PM, puwede pang maging presidente si Kris. "Naku matataranta sila pag nag-declare ng candidacy si Kris as presidente," say ni Beth.

Kung sabagay, siguradong walang magiging issue sa kanya oras na maging government official siya - kahit anong position siya manalo. Everybody knows na maka-Diyos si Kris at siguradong pag may na-discover siyang kakaiba sa kanyang administration in case na kumandidato siya dahil sure winner na nga siya, tiyak magpapatawag agad siya ng presscon para ikuwento sa madla ang kung anumang anomalya na nadiskubre niya kung saka-sakali.

May possibility kayang mag-change ng decision si Kris ngayong may clamor ang mga followers niya?

Nauna na kasi niyang sinabi na wala sa plano niyang mag-pulitika, priority niya ang magkaanak sila ng asawang si James Yap. Eh kung magsimula kaya siya sa senado? Sure winner agad siya at kasama kami sa boboto sa kanya.

Kasi nga naman bakit kailangan i-judge ang mga artista? Totoong ang pulitika ang choice ng maraming artista pag parang pinagsasawaan na sila sa showbiz. Pero majority naman sa nagiging pulitikong artista ay qualified to handle the position at kung meron mang hindi, iilan lang ‘yun.

Andiyan si Senator Bong Revilla, QC Vice Mayor Herbert Bautista, among others na napatunayang may magagawa sila sa kanilang posisyon.

Ayan tuloy imbes na ma-discourage ang tao na iboto ang mga artista, parang mas malakas ang impact nila ngayon hindi na lang sa masa kung hindi sa mga intelligent voters.

By the way, narinig ko na sa latest senatorial survey ng SWS, na nasa no. 7 si Korina Sanchez. Meaning malakas ang hatak niya sa botante.

Actually, pakiramdam ko mas mananalo pa siya sa boyfriend niyang si Mar Roxas na after na ma-elect na senador last election ay parang nanahimik na lang.

Wala na kaming naririnig sa kanya pag may mga issue na pinag-uusapan.

Anyway, siguradong masaya ang darating na election. ‘Yan ay kung hindi magkakaroon ng Charter Change.

* * *

Released na ang third studio album ng three-time Grammy winner, acclaimed songwriter and guitar luminary John Mayer, ang "Continuum" last Sept. 11. Ang latest record ni John Mayer ay follow-up sa kanyang multi-platinum album "Room For Squares" (2001) and "Heavier Things" (2003) and marks his first turn bilang producer. Ito na ang masasabing most soulful, cohesive collection yet he says it’s no accident na ang project is where all of his efforts, his potential and his desperate influences fully come together.

Sa mga naunang nagpa-reserve ng album, by this time, nakakuha sila ng limited edition ni John Mayer poster at Continuum card at nagkaroon din ng John Mayer Merchandise na ang grand prize ay Fender Squier Standard Stratocaster-M electric guitar.

Ang "Continuum" album ay release under BMG Music Entertainment features the hit carrier single "Waiting in the World to Change."