Actress defensive?

Gusto kong isipin na may semblance of truth ang sinasabi ng ex-boyfriend ni Claudine Barretto na si Orlando Apostol na nasa kulungan.

Imagine hindi pa man lumalabas ang story, teaser pa lang ‘yung inilibas, aba kaliwa’t kanan na ang depensa ng camp ng actress.

As in nakakabaliw dahil inunahan na nila ang kuwento kahit wala pa man.

Pati ang sinasabing proof, alam na raw nila.

Tama bang maging defensive?

Pati nga raw sina Robin Padilla and Rudy Fernandez according to a source, nakiusap na ‘wag nang ituloy ng ex ng actress ang pagkukuwento ng naging relasyon nila a decade ago pa.

Ano nga bang kuwento at parang malaking issue?

Well, kahit ano naman sigurong kuwento ang sabihin, bahala na lang ang tao ang mag-judge sa nangyari dahil this month, according to another source, lalaya na ang nasabing guy.

* * *

Shocked daw si Shaina Magdayao na pinipilit siyang mag-boyfriend samantalang bata pa siya para makipag-relasyon.

During the presscon kasi of First Day High, favorite topic ang tungkol sa pagbo-boyfriend. Eh kaso sabi ni Shaina, wala pa talaga. Besides, wala namang serious na nanliligaw sa kanya na kahit nga si Joross Gamboa ay ayaw niyang pag-usapan dahil ‘di naman hamak na mas matanda kesa sa kanya at never na nanligaw.

Si Rayver Cruz ang sinasabing special someone niya pero wala pa naman daw move sa part ni Rayver.

Kasama nina Shaina and Rayver sa Charms and Crystals episode ng Love Spell sina Kim Chiu and Gerald Anderson na isa pang sinasabing mag-on pero ayaw ding umamin.

Whisper ng katabi kong gay editor, totoong sila Kim and Gerald na. Mga two months na raw. Pero sabi naman ni Kim, nagpaparamdam pa lang ang ka-loveteam niya.

Sabagay, paano nga namang hindi madi-develop ang dalawa samantalang araw-gabi yata, sila ang magkasama. Aside from Love Spell, magkasama rin sila sa First Day High, debut movie ng dalawa.

Sina Kim and Gerald na kasi yata ang dalawa sa pinaka-busy na stars ng ABS-CBN dahil sa demand ng fans.

Ibinalik sila sa Love Spell dahil mataas ang rating ng previous episodes nila.

By the way, kasama naman nila sa First Day High sina Maja Salvador, Jason Abalos and Geoff Eigenman under the direction of Mario Cornejo na showing na sa Sept. 27.

* * *

Next week pa naka-schedule na umuwi si Rachel Alejandro mula sa Amerika.

Binisita niya ang kanyang ina at mga kapatid sa ina after niyang maghakot ng medalya sa World Performing Arts. Ang isang kapatid kasi ni Rachel na sa New York nakatira ay nag-celebrate ng birthday so tumuloy muna siya roon.

By the way, gustong magpasalamat ni Rachel kay Paul Cabral na kasalukuyang nagliliwaliw sa Europe na nagbigay suporta sa kanya sa World Performing Arts competition na naganap sa Los Angeles last month kung saan nakatanggap ng apat na medalya si Rachel.

Nagpapasalamat din siya kay Steve Uy at Legend Potato Chips at Global Resource Creative Exchange na nag -sponsor sa kanya.

Congrats Rachel…

* * *

Hindi pa naman pala period ang love story nina Mark Herras and Jennylyn Mercado. Pareho nilang sinabi na ayaw nilang i-close ang door as of now pero ayaw naman nilang bigyan ng hope ang fans na sila nga kahit hindi naman ulit.

Pero pagdating sa trabaho, wala sa kanilang problema.

Malakas pa rin kasi ang demand ng mga fans sa kanila.

Anyway, hindi nagri-reflect sa face ni Jennylyn na may mga naging problema ang kanyang adoptive parents. Ang kinilala niyang father pinutulan ng paa at ang ‘mother’ naman niya, naoperahan.

Siya naman ang na-over fatigue kaya ilang weeks ago, isinugod siya sa hospital.

Pero dedma na lang ang aktres, wala rin siyang lovelife kaya sa career siya naka-concentrate.

Anyway, tungkol sa young couple na sina Meagan (Jennylyn) and Cholo (Mark) na hindi puwedeng maging sila. Hanggang na-find out nila later na reincarnation sila nina Milagros (Iza) and Crisanto (Dingdong), lovers in the 1800s who be fell a terrible curse. At depende na ‘yun kina Meagan at Cholo kung gusto nilang ayusin ang relationship nila.

Happy si Mother Lily Monteverde sa cast ng Eternity.

She declares: "Mark and Jennylyn and Iza and Dingdong ay kayang magdala ng pelikula on their own. So what more if they’re all in one great movie."

Pero hindi rin dapat ma-focus ang movie sa kanila dahil kasama sa Eternity ang experienced and celebrated performers like Hilda Koronel, Jaclyn Jose, Bibeth Orteza, Pinky Amador, Juan Rodrigo, Jaime Fabregas with Bobby Andrews, Michael Roy and Paw Diaz.

"I got the best in the industry," sabi ni Direk Mark Reyes.

The movie is set to kick off in Metro Manila theaters on Sept. 6.

* * *

Be afraid… Sinusundan ka niya saan mang sulok…

Be very afraid... Nakikita niya ang bawat galaw mo...

Hindi mo siya namamalayan pero lagi ka niyang pinagmamasdan…

Now is the time for them to reveal the naked truth...

Ang Deep Penetration Agents ng Showbiz, ilalantad na…

Ang mga nakagigimbal na nagaganap sa likod ng camera…

In one explosive Strip-Act!

Ngayong gabi sa Showbiz Stripped hosted by Ricky Lo, huhubaran na ang DPA sa pamamagitan ng episode na Babala: Danger Zone, A DPA Special sa GMA 7 pagkatapos ng Hokus Pokus.