Pinoy singers, naghakot ng award sa World Championships of the Performing Arts

Muli na namang iwinagayway ang bandila ng Pilipinas sa katatapos na World Championships of the Performing Arts matapos maghakot ng gold medals ang ating mga delegado.

Halos lahat ng categories na sinalihan ng ating mga kalahok ay nakasungkit ng mga gold medals kabilang na sina Jon Joven, Jonalyn Viray, Dexter, Brenan Espartinez, Faith Cuneta at Juaquin.

Sulit ang pagpapagod at pagpapadala natin ng mga representatives sa WCPA. Ako mismo ang nag-suggest kay Jon Joven na kantahin niya ang "Be My Love" para sa Broadway categories na siyang napanalunan niya ng gold. Ito rin ang pinakanta ko sa kanya noong nag-produce ako ng show sa Club Mwah!

* * *

Marami ang pumupuna sa poster ni Vina Morales para sa kanyang concert na pinamagatang Showgirl sa Araneta Coliseum sa darating na Biyernes.

Huwag n’yo namang ikamalisya ang kanyang sexy look sa poster. Kung hindi kayo nakakapanood sa Las Vegas ng mga palabas ng showgirls ay talagang ganito ang kanilang mga bihis na siyang tema ng show ni Vina. Mas magugulat pa kayo sa mga ipamamalas ni Vina sa kanya mismong concert.

Mas revealing ang sexy dance number at sexy outfit niya sa concert. Hindi kayo magsisisi sa panonood n’yo ng kanyang concert dahil subok na sa pagbibigay ng kalidad na show at talagang todong energy sa kanyang performance si Vina.

Dinagdagan pa ng mga guests ni Vina na sina Aiai delas Alas, Ogie Alcasid, JayR at Shaina Magdayao.

* * *

Congratulations sa mag-asawang Romnick Sarmenta at Harlene Bautista sa digital film na Umaaraw Umuulan na pinangungunahan ni Ryan Agoncilio.

Nagkaroon ito ng premiere night nung isang linggo na sinuportahan din siyempre ng nobya ni Ryan na si Judy Ann Santos kaya tuloy panay ang tilian sa audience na kinikilig sa presensiya ng dalawang magsing-irog.

Panoorin n’yo po ang magandang pelikula ng Umaaraw Umuulan na palabas na sa Kamaynilaan. Wish din natin na masundan pa ang mga projects ni Ryan.

* * *

Hindi na bago sa showbiz ang mga magkasintahan at mag-aasawa na pilit na pinaghihiwalay. At isa rito na hindi nakakalusot sa ganitong intriga– gustong paghiwalayin ay ang samahan nina Dingdong Dantes at Karylle.

Huwag naman dahil matibay na ang pagmamahalan ng dalawa na pilit na sinisira ng mga taong walang magawa. Pagkatapos ng tambalan nila ni Iza Calzado sa Moments of Love at Eternity ay hinahanap ang tambalan nila ni Karylle sa pelikula.