Hunk actor, humaharap ng hubo’t hubad sa mga bading sa tinatambayang gym!

Bumalik na pala sa Bukidnon ang isa sa Big Four ng Pinoy Big Brother Teen Edition na si Claire Cabiguin para ipagpatuloy ang pag-aaral nito at nagpaalam na siya sa kapwa PBBTE at staff ng ABS-CBN last Monday night na nagkaroon ng konting iyakan at kinabukasan, Martes ng umaga ang flight niya pabalik ng bayan nila.

Matatandaang maraming hirap ang dinanas ni Claire para mag-audition sa PBBTE na ginanap sa Davao City dahil bumiyahe siya ng ilang oras from Bukidnon para lang i-try ang luck niya sa nabanggit na reality program ng ABS-CBN.

Sinwerteng nakapasa at napasama sa 14 teens ng PBBTE at napasama pa sa big four na ikinatuwa niya ng husto dahil nga pangarap niyang maging artista.

Kaya nagtaka kami nung ibalita sa amin na bumalik na siya ng Bukidnon para mag-aral. Unang tanong namin sa nagkwento ay, "Wala bang offer si Claire sa Dos, bakit naisipan niyang mag-quit na?"

"Marami pong offers na tv guestings, lahat naman hinahati ang Teens sa mga programa ng ABS, eh, choice niya pong bumalik sa pag-aaral, e, okey na rin po at anytime naman puwede siyang bumalik dito (ABS)," say ng staff ng Dos.

* * *

And speaking of PBBTE ay aliw na aliw kaming kausap ang ex- boarder sa Bahay ni Kuya na si Matt Evans dahil simula nung makilala namin siya ay hindi pa rin siya nakakalimot, matandain siya tulad ng two month old girlfriend niyang si Olyn Meimban na kasama niya sa 2nd episode ng Love Spell na may titulong Wanted: Mr. Perfect.

Masaya si Matt sa nangyayari sa karir niya dahil nakakaipon na siya sa rami ng projects niya.

"Tuwang-tuwa po ako, kasi po nakakabili na ako unti-unti ng gamit namin sa bahay, nung nagka-pera po ako, una kong binili, eh, refrigerator po, kasi wala kaming ref sa bahay. Ang isusunod ko pong bilhin ay DVD player, kasi VCD player palang yung meron kami," nakangiting kwento ni Matt.

Bukod sa ilang gamit ay pina-pinturahan din ni Matt ang loob ng bahay nila at saka na lang daw niya ito ime-make-over kapag may sobra na siyang pera.

"Sayang nga po, eh, kasi yung kwarto ko, mineyk-over ng At Home Ka Dito, e, plano ko sana yung buong bahay, e, sabi ng nanay ko, huwag na raw, unahin ko na lang yung kuwarto ko.  Masarap po ang feeling," kwento pa ni Matt.

As of now ay mega-ipon ang binatilyo dahil siya ang breadwinner ng pamilya at plano niyang mag-aral ngayong 2nd semester.

Isa rin siya sa endorser ng Penshoppe at aliw na aliw siyang tingnan ang malaking billboard ng nabanggit na clothing apparel sa Edsa, Mandaluyong kasama ang kapwa PBBTE na sina Brenda, Niña at Jouaqui.

Samantala, sila ni Olyn ang loveteam sa Love Spell at sa tunay na buhay na ayon din mismo kay Olyn ay masaya siya sa piling ni Matt dahil sobrang bait.

* * *

Kawawa naman ang hunk actor na nawalan na ng projects dahil nagsawa na sa kanya ang gay executive na naging sandalan niya para magkaroon siya ng kaliwa’t kanang projects sa isang network.

Tumatambay na lang sa kilalang gym ang hunk actor para magpa-cute sa mga rich gays na ang drama ay, "Naliligo siya ng hindi sarado ang kurtina, talagang nagpapansin siya sa mga onders na bading at talagang humaharap siya ng hubo’t hubad sa mga ito.

"At dahil yummy pa rin naman ang lolo mo, marami pa ring kumukuha ng contact number niya at may I give siya.  Kaloka, di ba? "Yun ang raket ngayon ng lolo mo para magka-datung," kuwento sa amin ng nakasabayang mag-gym ni hunk actor na kaibigan naming staff ng network.

Nabanggit ding muling "kumakatok" si hunk actor sa mga gay executive ng network na minsang naging ‘close’ sa kanya pero dinedma na siya dahil katwiran ng mga executive ay, "Sawa na kami sa kanya." — REGGEE BONOAN