Vina, magta-topless!

Ito ang malakas na ugong na maririnig ngayon tungkol sa nakatakdang major concert ni Vina Morales na magaganap sa Araneta Coliseum sa August 19.

Pinamagatang Vina Morales: Showgirl, na marahil sa kagustuhan ng mga nasa likod ng konsyerto na matalbugan ang huling major concert niya na Vina Revealed ay umisip ng isang gimik na sa palagay ko ay napaka-unfair sa singer actress.

Kung mayro’n kayong mga kamag-anak sa Amerika na nakapanood sa maraming palabas ni Vina, I’m sure lahat sila ay abot-tenga ang paghanga sa kagalingang ipinamalas nito sa kanyang mga palabas dun.

Sa kabila ng napaka-dalang niyang mag-concert dito sa atin, mabenta si Vina sa abroad na kung saan ay ipinamamalas niya ang kanyang magandang boses at kahusayan sa pagsasayaw.

Sa Vina Morales Showgirl, tinambakan pa siya ng maraming guests, sina Ogie Alcasid, JayR, ang younger sister niyang si Shaina Magdayao, at si Aiai delas Alas na hindi naman siguro para maliitin ang kanyang talino kundi para bigyan siya ng sapat na panahon para sa marami niyang costume changes, mga revealing costumes nina Edwin Uy at David Ocampo na walang dudang magpapakita ng kanyang katawan.

"Kung sasabihin ko kung hanggang saan ako magpapakita ng katawan, hindi na maging bongga. Basta there will be a lot of surprises on that night," pangako niya.

* * *

Available na ang digifilm na Masahista on video sa mga DVD at VCD formats. I’m sure narinig n’yo na hinangaan ang pelikulang ito ni direktor Brillante Mendoza at baguhang aktor na si Coco Martin sa ibang bansa. Pinarangalan pa ito sa Golden Leopard Award (video div) sa 58th Locarno Film Festival sa Switzerland. Naimbita pa rin ito sa Toronto, Vancouver Int’l Filmfests, at pati na rin sa Chicago, USA, Belgium, Austria, Brazil, Argentina at Hongkong.

Tungkol sa isang batang masahista sa isang massage parlor na pawang mga bakla ang kliyente at nagiging resulta rin ng mga makalupang relasyon na dulot ng trabaho.

* * *

I’m sure gusto n’yong malaman kung sino ang pinaka-mabentang celebrity endorser natin ngayon. Sila yung mga di lamang napapanood sa TV, kundi nakikita pa rin sa mga naglalakihang posters, billboards at naririnig sa radio ads.

Sa Linggo, sa Ang Pinaka ni Pia Guanio sa QTV 11, 6NG, sasabihin niya kung sino sila at sino sa kanila ang pinaka-mabenta at may pinaka-malakas na convincing power.

* * *

E-mail: [email protected]