Taga-hatid ng saya at intriga

May showbiz talk show ang UNTVChannel 37. Ito ang Chika Mo, Chika Ko na napapanood tuwing Sabado, 6-7 NG. Dalawang taon na ito, kasabay ng 2nd anniversary din ng network under new management.

Tinaguriang merchants of uproar and intrigue, ang mga hosts nito ay ang sex siren na si Natasha Ledesma, entertainment columnists Pete Ampoloquio, Peter Ledesma at Joey de Castro, tinaguriang Troika of the Cyberage. Katulong nila sina Celina Cortez, Ian Valdez, teen singer Gena Gonzales, stand up comedian Rik-Rik Sabik, movie writer Benny Andaya at chikarazzi Adjes.

Marami ang nagsasabi na kakaiba ang Chika Mo, Chika Ko. Ang konsentrasyon ng tatlong hosts ay nasa outrageous, humorous at paminsan-minsan ay inane pero palagi silang mayroong frank and honest showbiz news na di ginagamit ng malalaking networks. Dahilan dito, plano ng UNTV na dagdagan pa ng 30 minuto ang nasabing palabas.

Approaching its third year, tinutupad ng Chika Mo, Chika Ko ang kanilang pangako na magbibigay ng mas makatotohanang showbiz topics na siguradong masasapawan ang kanilang mga kalaban. Sabi nga, "Sa kanila na ang kadatungan, sa amin ang katotohanan". Ito ang slogan ng show na hindi gumagamit ng standard script mula pa nung umere sila. Ang palabas ay dinidirek ni Angelito de Guzman. Executive producer si Roderick Masa. – JOEY L. DE CASTRO