Kapalit ni Sugar sa Sexbomb!

Mas matindi, mas bata ang bagong rumarampa ngayon sa grupong Sexbomb na si Hazel Navigatos, ang kapalit ni sugar na bumaligtad sa grupo. Noong Fans day ng Sexbomb sa UP Theater Diliman, pinagkaguluhan si Hazel. Aminado si Hazel, ngayon lang nasalang sa tsikahan. Nagimbal ang beauty niya sa pagsagot. Sunud-sunod ang tanong sa kanya habang naghihintay ng number niya sa backstage ng UP theater.

Sumasayaw nga siya sa harap ng TV, kapag sumasayaw ang Sexbomb sa Eat Bulaga sa portion ng Laban o Bawi. Malimit napapagalitan siya ng nanay niya, dahil pulos sayaw ang inaatupag. Dream niyang tularan ang idolong sina Rochelle, Jopay, Izzy at Sunshine. Sa school nila, madalas siyang winner sa dancing contest.

Sexbomb nga siya kung tuksuhin ng mga kaklase niyang napapanood siyang sumasayaw. At noong magkaroon nga ng pa-contest si Joy Cancio sa Let’s Get Aww, sumali si Hazel.

"Basta ang feeling ko, akong mananalo," pagbibiro ni Hazel. At nagkatotoo nga. Nananalo siya ng malaking premyo at ipinalit pa sa pwestong iniwan ni Sugar. Dream ni Hazel, mabigyan ng break at mapasali sa Daisy Siete na starring ang Sexbomb.

Hindi ba takot si Joy, na baka matulad ito kay Sugar? "No," matinding sagot nito. "Iba si Hazel kay Sugar." – VIR GONZALES