Duncan Ramos, binigyan ni Rufa Mae ng P100,000!

Biglang naalaala ng isang source ng Baby Talk ang tungkol kina Rufa Mae Quinto and Duncan Ramos nang mapanood niya ang dalawa sa Startalk last Saturday na ayaw parehong magsalita tungkol sa kanila or kung bakit all of a sudden ay hindi na sila.

Well, ang kwento, si Duncan pala ang nakipag-split kay Rufa Mae dahil sobrang possessive ng sexy actress. Sobrang na-irritate na raw ang vocalist ng South Border dahil ang kulit daw talaga nito at sinusundan kahit madaling araw ang show or rehearsal ng grupo.

Kahit daw ang nanay ni Duncan ay naiinis na sa sobrang possessiveness ng sexy actress.

In fairness naman daw kay Rufa Mae, sobrang minahal nito ang vocalist ng South Border. Proof daw ay ang ginawa nito nang minsang mawalan ng P15,000 ang ex-boyfriend, say daw ni Rufa Mae hayaan na lang dahil papalitan na lang niya ng P100,000. Say ni Rufa Mae: "Babes ‘wag kang mag-alalala bibigyan na lang kita ng P100,000."

Hay naku, ang nagagawa nga naman ng love...

But still, Duncan dumped Rufa Mae.

Anyway, ngayon ay balitang very much in love si Rufa Mae kay Eric Santos.

* * *

Katawa ang kwento ng cook ng isa kong friend. Isang doctor daw ang dating amo ng nasabing cook niya ngayon. Sosyal na bading na doctor kaya naman karamihan daw sa friends ng doktor na dating amo ng cook ng friend ko ngayon ay mga bading din sa alta sosyedad. Pero hindi ‘yun ang highlight ng kwento ng cook. Ang shocking, casual niyang kinwento na kasama sa dumadalaw sa dati niyang bading na amo ang dalawang actor na matagal nang natsitsismis. ‘Yung isa, sinasabing may girlfriend na pero ‘yung isa, wa pa talaga.

Ha ha ha! Buking ang dalawang actor dahil sa cook na iniyakan daw ng kanyang amo nang magpaalam.

* * *

By tomorrow, 21 years old na ang sexy actress na si Juliana Palermo. And isa sa sa reason why she’s extremely excited ay makakapasok na siya sa bar sa Amerika. Next month naka-schedule siyang pumunta sa Amerika para bisitahin ang kanyang mother na naka-base doon.

Walang malaking party sa birthday ni July. Gusto lang niya ng quiet dinner with some friends.

Busy din kasi si July sa shooting ng X 44 starring Vhong Navarro under Star Cinema.

Kasama rin siya sa Faces of Love ni Direk Eddie Romero, with Alfred Vargas. – SALVE V. ASIS