Hindi masakyan ni James ang pag-uwi ni Kris sa mga oras na papasok naman siya!

Tutuparin ni Kris Aquino ang pangako niya sa kanyang asawang si James Yap, titigil na siya sa pag-aartista!, huling pelikula na niya ang Sukob, isang suspense thriller from Star Cinema directed by Chito Roño where she shares stellar billing with Claudine Barretto.

"Last film ko na ‘to, promise ko ‘to kay James hanggang magka-baby kami. Hiniling niya ito sa akin pero, sa movies lang naman, I will continue with my TV hosting.

"Binigyan ko na ng priority ang family ako. I even turned down three teleserye para maasikaso ko naman si James. He begins his day at 8AM, pumapasok na siya. Hindi niya masakyan na papauwi pa lang ako ng ganung oras.

"Maaasikaso ko na rin si Josh (her son). Mabuti na lang mayro’n siyang mabait na lola who takes care of him. They eat together and he is only brought home after they’ve had dinner," ani Kris.

Ang Sukob ay tungkol sa isang pamahiin na may mangyayaring masama sa isang pamilya kapag ang isang myembro ay nagpakasal matapos mamatay ang isa ring myembro ng pamilya. O kung ang dalawang magkapatid ay nag-asawa sa iisang taon.

Kasama nina Kris at Claudine sa movie sina Glaiza de Castro, Maja Salvador, Bernard Palanca, Boots Anson Roa, Wendell Ramos, Ronaldo Valdez at Jhong HiIlario.

* * *

July 7 pa ang birthday ni John Lapus pero, sumama na ito sa presscon/celebration ng mga June birthday celebrants dahil sa mismong birthday niya ay mayro’n siyang show sa Zirkoh Timog, 9NG, na pinamagatang This Time I’ll Be Sweeter.

"Thirty three na ako, it’s about time to reinvent. I want to challenge myself to be different," sabi ni Sweet (palayaw niya). Doing the script for his show is his friend and fellow comic, Candy Pangilinan. Pa-birthday n’yo na sa kanya yung halaga ng tiket sa concert niya, P350.

Bagaman at wala siyang regular show sa ABS CBN, wala siyang balak mag-over the bakod tulad nang nababalita. Mayro’n siyang mina-manage na internet cafe-bar sa esQuinita na GRAFFiTi, Guests niya sa I’ll Be Sweeter sina Angelica dela Cruz, Pokwang, Eugene Domingo, Joseph Bitangcol, The Bodyworks Dancers, Jericho Rosales at ang banda nitong Jeans.

* * *

Isang bloodletting ang nagsilbing selebrasyon ng Dunkin Donuts para sa kanilang ika-25 na anibersaryo.

Pinamagatang Dugong Alay... Dugtong ng Buhay, isinagawa ito sa pakikipagtulungan ng Philippine National Red Cross. Ang mga blood donors ay mga empleyado ng Dunkin Donuts at kanilang mga kamag-anak at kaibigan.

* * *

Gaganapin ngayon ang grand coronation ng Maharlikang Pilipino Male Personality Search na nasa ika-13 taon na ngayon. Magaganap ito sa Clamshell l, Intramuros, Manila. Isa itong prestigious search na maging ang mga Pinoy communities sa USA at Canada ay nagpadala ng representatives.

Animnapung mga kalalakihan ang maglalaban-laban, pipiliin sa kanila ang mga mananalo ng mga hurado na binubuo ng mula sa academe, fashion world, movies at mga respetadong tao from their respective fields. Ang mananalo ay tatanggap ng P25,000. Pwede pa kayong bumili ng tiket, tumawag lamang sa 7357257.

Ang mga kandidato ay sina Moses Banez, Michael Nas, Erick Christian Caymo, Melchor Sangui, Reagan Catibog, Jonard Rey Molina, Jopnathan Mitre, Neptali de Guia, Alain Azarcon, Dencee Matias, Alfred Vergara, Jericho Anthony Torres, Frederick Infante, Jeff Dimaculangan, Mark Bingaling, Majid Batini, Shane Russel Alonzo, Eugene Bautista, Crisanto Carpio, Acer Cruz at Jaypee Opeda.

* * *

E-mail: [email protected]