‘Gusto ko nang maging daddy’ — Paolo Bediones

Ready nang maging ama si Paolo Bediones pero hindi pa siya ready na maging husband. You read it right. Kung si Paolo ang tatanungin, mas gusto na muna niyang magkaanak kesa mag-asawa. "Gusto ko nang maging daddy. I love kids. Pakiramdam ko ngayon, mas matutupad ko ang tungkilin bilang ama kesa tungkulin bilang asawa," admits Paolo.

Psychologically/mentally stable na siya to have a baby sabi ni Paolo.

Thirty two years old pa lang si Paolo.

May girlfriend si Paolo ngayon, non-showbiz na isang dentist. Kaya nga nakaisip siyang magtayo ng dental care center somewhere in Libis. Kaya lang ang siste, gustuhin man niyang magkaanak, wala siyang time lalo na ngayong panay ang travel niya sa bago nilang programa Pinoy Meets World sa GMA 7 na mapapanood every Sunday after ng Ang Mahiwagang Baul.

Minsan nga raw, nagpaparamdam na ang girlfriend niya dahil lately, wala talaga siyang time. Monday to Friday, nasa ibang bansa siya at pagdating ng weekend kailangan naman siya sa S Files. "S Files lang talaga ang pahinga ko," sabi ni Paolo.

Wala na ngang time, siguradong worried ngayon ang girlfriend niya dahil single na uli si Miriam Quiambao na co-host niya sa Pinoy Meets World at sabi nito nang tanungin kung may possibility na this time na sila naman ni Paolo, say ni Miriam, "nothing is impossible."

Why not nga naman.

Anyway, sa bago pala nilang programa, literal na maglilibot sila ni Miriam sa mundo. Hindi pa man naiire ang nasabing programa, naka-travel na siya sa tatlong bansa - Korea, India at by the time na binabasa n’yo ito, on the way to Germany si Paolo kasama ang kanyang cameraman at executive producer.

At ganun pala ‘yun - pag nagta-travel sila, sa economy class sila (akala ko kasi sa business class). Pagdating din sa accommodation, sa mga Inn lang sila usually tumitira. May certain budget lang silang kailangang gastusin kaya hangga’t makakatipid, ginagawa nila.

Minsan para makatipid sila kasama ang kanyang staff, credit card na lang ang ginagamit niya.

Anyway, unofficially, siya ngayon ang spokesperson ni Miriam, ang co-host niya sa programa. Siya ang may alam ng buong kuwento ng separation ng ex-beauty queen sa kanyang husband na si Claudio Rondinelli.

In a nutshell, sinabi ni Paolo na you really cannot buy happiness. Kahit everyday ka pang nagsa-shopping or mala-prinsesa ang buhay na tinatamasa mo, ibang kaligayahan ang mararamdaman pag nahanap mo ang totoong kaligayahan.

More or less ganito ang nangyari kay Miriam na sa simula pa lang daw ng marriage ay nakaramdaman na there’s something wrong sa marriage nila ng negosyante. Ito ang rason kaya raw never na nag-plano ang dalawa na magkaanak.

"Practically, she gave up everything for him kasi sobrang in love sila no’n," recalls Paolo. Kawawa naman daw kasi ‘yung bata kung nag-anak pa sila.

Anyway, na-focus man sa personal issue ni Miriam ang launching ng Pinoy Meets World, excited naman sila sa bago nilang programa na magsisimulang mapanood this Sunday.

Very light ang attack ng programa compared to Pinoy Abroad na nag-goodbye na sa ere kagabi.

* * *

After Pacquiao The Movie, kung saan si Jericho Rosales ang nag-portray ng character ni Manny Pacquiao, mismong si Manny na ang aarte sa pelikulang gagawin ng FLT Films ayon kay Mommy Rose Flaminiano. Nag-workshop na kaya si Manny? Eh ang makakasama pa naman niya sa movie, si Regine Velasquez at si Aga Muhlach sana. Pero most likely, hindi makakasama si Aga dahil may gagawin itong movie with Sharon Cuneta under Star Cinema. Wala pang idea si Mommy F. kung sino ang ipapalit niya kay Aga.

Second project ng boxing champion sa FLT as an actor ang movie with Vic Sotto (Pacman meets Enteng). Why not! ‘Yan naman ay kung papayag si Vic.

Win or lose (let’s pray na mag-win si Manny) ang contract na pinirmahan niya sa FLT Films according to Mommy F. ‘Yun ang isa sa pinakiusap ni Manny nang pumirma siya ng contract sa nasabing film outfit.

Sinabi ni Mommy F. ang presyo ng contract na pinirmahan ng boxing champion, maso-surprise kayo dahil hindi ganoon kalaki. Kung sabagay, ganu’n naman ka-accommodating si Manny.

Ang nasabing halaga ay hindi na kinuha ni Manny sa FLT. Isinosyo na lang niya ‘yun sa pelikula kasama ang agent niyang si Jayke Joson.

Anyway, ngayon pa lang ay sure na kita na sila sa nasabing pelikula na nagsimulang mapanood sa Metro Manila theaters kahapon. Almost P10 million ang binigay ng San Miguel, ang Superferry, McDonalds at iba pa.

Pinipilahan na ang movie sa mga sinehan.

Napanood ko na at in fairness, magaling si Jericho sa movie he deserve na mag-rest after this project.

Maging si Bea Alonzo ay sobrang galing as Jinky Pacquiao. May ilang scene daw sa movie na ayaw sanang ipalagay ni Jinky pero gusto naman ni Manny. Siyempre si Manny ang nagwagi.

In fairness, maganda ang exposure ni Bayani Agbayani at Jay Manalo sa movie.

Dapat n’yong panoorin ang movie dahil maraming revelations. The movie tackles the issue ng tungkol sa pagdo-droga at pagsasabong ni Manny at marami pang iba.

* * *

Hindi umabot sa Tuesday screening ang Superman dahil hindi agad maki-clear ang print and tehnical requirements sa Bureau of Customs. Supossedly, may Tuesday night screening ito sa Imax Theater sa Mall of Asia.

Anyway, sa Saturday, mapapanood na sa Showbiz Stripped ang exclusive interview ni Ricky Lo with the whole cast of Superman Returns.

Bukod sa nasabing interview, mapapanood din ang episode na Nang ma-trauma si Eba.

Mga babaeng higit pa sa pagsubok sa buhay ang tinahak…

Ang trauma ni Plinky Recto sa pakikipag-hiwalay niya sa kanyang kinakasama at ang pagkakawalay sa kanyang anak.

Ang trauma na sinapit ni Klaudia Koronel sa kamay mismo ng kanyang ama.

Ang trauma ni Rita Avila sa hindi natuloy niyang pagbubuntis.

Ang trauma na sinapit ni Cory Aquino nang siya ay ma-kidnap.

At kung paano nila nalagpasan ang lahat ng ito.

Kaya watch na kayo ng Showbiz Stripped sa Saturday ng gabi sa GMA 7.

* * *

Salve V. Asis’ e-mail - [email protected]