Boyet, magaling din mag-basketball

Pinahanga kami ni Christopher de Leon nung maglaro siya ng basketball sa Don Jose Angara Sports Complex sa Aurora, Baler, Quezon kasama ng All Star Basketball Team headed by Rez Cortez. Si Azenith Briones, ang nag-imbita sa mga artistang maglalaro sa imbitasyon din ni Gov. Bellaflor Angara Castillo ng Aurora, Baler, Quezon.

Bawat buslo, shoot palagi! Tinukso tuloy siya nina Tirso Cruz, Bembol Roco, Niño Muhlach na inspirado raw si Boyet. Gayung ang biyahe nila from Manila to Aurora ay siyam na oras. Sabi ni Boyet, pinaka-exercise niya ang larong basketball, kaya hanggang ngayon, slim ang katawan niya. Hindi siya gaanong malakas kumain ng kanin at fatty foods.

Habang namamahinga sa paglalaro si Boyet, panay ang promote niya ng kanyang CD na nagtatampok sa lahat ng theme song ng movie na ginawa niya.

Nagparinig pa sila ni Pip ng kanta kay Governor Bellaflor, ganundin sina Niño Muhlach at Karla Estrada. — VIR GONZALES