Walang Nangyari Sa Career: Kapatid ni Echo, balik eskwela na lang

Mukhang ayos na ang problema ng younger brother ni Jericho Rosales na si Jeremiah Rosales sa babaing ina ng tatlo niyang anak.

Before kasi ay panay ang angal ng babae na hindi sinusustentuhan ng struggling actor ang dalawa nilang anak at kesyo hindi raw kinikilala.

At nitong muli siyang nabuntis at nanganak na si Jeremiah pa rin ang ama ay tumanggi raw nung una na hindi ang aspiring actor ang ama ng pangatlo dahil nga may ibang boyfriend naman daw ang babae. Na ikinagalit ng babae dahil ginawa pa raw siyang sinungaling ni Jeremiah at ang huling dinig namin ay nagkaroon ng kaso dahil sa sustento at pagkilala sa bunsong anak.

Sa nakaraang presscon ng Pacquiao The Movie ng Star Cinema at FLT Films ay nagtaka ang actor sa isyung nagkaroon ng demandahan dahil wala naman daw katotohanan ‘yun.

"Walang ganun, hindi kami nagdemanda o hindi kami idinemanda, tapos na ang isyu, okey na. Inamin na naman ng kapatid ko na anak niya ‘yun. Hindi na sila nung girl, okey na sila," esplika ng aktor.

As of now ay balik- eskwela ang kapatid ng aktor since hindi naman daw ito gaanong busy kaya’t pinayuhan niyang tapusin ang pag-aaral na si Echo mismo ang nagpapa-aral.

* * *

Isang sexy actress ang dahilan kung bakit naghiwalay daw sina Jeremy Marquez at Alessandra de Rossi na ilang beses na raw nahuli ng huli ang boyfriend niyang kasama ang nabanggit na sexy actress.

Kuwento mismo ng staff ng programa na nakakaalam ng rendezvouz ni sexy actress ay, "Nababaliw lola (name ng sexy actress) mo kay Jeremy, mahusay daw at lalaking-lalaki, di tulad ng iba niyang nakaka-date. Nahuli na sila before ni Alessandra, may I hingi ng another chance si Jeremy e, nitong huli, nabukelya na namang magkasama sila."

Loveless kasi ngayon ang sexy actress at kung sino raw ang makita nitong lalaki na puwede siyang samahan sa kanyang kalungkutan ay hinihila niya at dahil hindi naman daw ganun klaseng babae si Alessandra kaya raw siguro nawawala sa paningin niya ang boyfriend niyang si Jeremy, pero malas ng huli dahil parati siyang nahuhuli ni Alex.

At ang clue na ibinigay sa amin ng staff ng programang ka-tsika ni sexy actress, "Naku, halos lahat, e, natikman na siya, mahina na lang ang hindi makahula ‘no?" — REGGEE BONOAN