Nancy, banned sa laro ng Talk & Text sa PBA!

Gaano katotoo ang nakarating sa aming balita na "banned" daw ang aktres na si Nancy Castiglione kapag may laro ang koponang Talk and Text sa PBA?

Kwento ng taga-PBA na tila hiniling daw ng kampo ng Talk and Text na i-limit or huwag papuntahin ang aktres kapag naglalaro sila dahil nasisira raw ang laro ng player nilang si Mac Cardona na type na type raw ni Nancy?

Panay daw ang sunod ni Nancy sa nabanggit na PBA player maski saan ito magpunta, bagay na hindi na raw ma-take ng ibang players dahil nakakaistorbo raw sa laro ang nasabing aktres.

"Panay ang text ni Nancy kay Mac, galit na nga ‘yung manager ng Talk and Text kay Nancy kasi maski na meeting at practice, pumunta, e, hindi naman siya pinapansin ni Mac," kwento sa amin ng taga-PBA.

Nung una raw ay ini-entertain nung Mac si Nancy dahil nga mabait at nakikipagkaibigan lang naman, pero nitong huli raw ay tila naiiba na ang istorya.

* * *

< Kabado si Sandara Park sa pagsulpot ni Kim Chiu PBB TEEN Big Winner dahil nga parang mas marami raw itong projects ngayon at exposure sa telebisyon.

Say mismo ng staff na napagsabihan ni Sandy (palayaw ni Sandara) ng sama ng loob niya ay, "Bothered daw siya ngayon kasi nga, kababalik palang ng career niya dahil kumita ang ‘D Lucky Ones, tapos heto, biglang bumulaga si Kim, e, sabi niya, Chinese ‘yung isa, Koreana naman siya, so almost the same ang packaging.

"Napansin din ni Sandara na kapag sabay silang guest ni Kim sa show, mas maraming close-up daw si Kim kumpara sa kanya at nararamdaman ni Sandara na nale-left behind na siya.

"Ang maganda, magsasama sila ni Kim sa isang project, hindi lang nabanggit ni Sandy kung movie o tv show, hayun, problemado lola mo, kasi alam niya hindi na raw siya paborito ng ABS."

Anyway, may puwede namang gawin si Sandy na hindi puwedeng gawin ni Kim and vice versa kaya siguro naman hindi siya pababayaan ng Dos o Star Magic.

Samantala, how true na hiwalay na sila ni Joseph Bitangcol na isa rin sa dahilan kung bakit nagluluka-lukahan din si Sandara? — Reggee Bonoan