Phillip kuntento na sa digital film

Magaling pa rin talaga si Phillip Salvador pagdating sa drama. Sa kanyang ‘comeback movie’ (digital film) entitled Mainit Na Tubig, na-activate ang kanyang pagiging best actor.

Na-justify niya ang role ng isang ama na sini-seduce ng sariling anak dahil sa naging experience ng iniwanang anak sa kanyang (Ipe) kapatid nang makulong ito.

Sina Gina Alajar at si Dulce lang ang kilala kong kasama niya sa movie, the rest of the cast, mga stage actors na. Pero in fairness, magagaling sila.

Anyway, malaki siguro ang naitulong ng pagiging born again in real life ni Ipe sa character niya sa pelikula. Christian ang character ng actor na nakulong dahil sa pangho-holdap. Sa kapatid niya iniwan ang anak na nagdadalaga noon. Pero habang nasa kulungan pala ay sinasamantala ng kapatid niya ang anak at tinuruan ng kakaibang klase ng ‘love.’

Kaya nang makalaya siya at kukunin na sa kapatid ang anak, nagpakamatay ang kapatid. Do’n niya madi-discover ang nangyari sa anak niya dahil sinubukan nitong makipag-sex sa kanya dahil ‘yun daw ang love na itinuro sa kanya ng kanyang uncle.

Interesting ang kwento ng movie.

Actually, lately parang interesting ang mga kuwento ng mga digital film. Parang mas may effort at bago ang idea. Sayang nga lang at digital ang Mainit Na Tubig at kailangan ng fine tuning para maging malinis ang kopya at maipalabas sa commercial theaters.

May subtitle na ang movie, so obviously, target nilang mag-join sa mga international film festivals.

May direction ang kwento at maayos na naidirek ng dating kasamahan sa panulat turned scriptwriter/director Ronald Carballo.

Sayang ang movie kung hindi ‘malilinis’ ang copy dahil maganda naman. Kaya nga graded B ito ng Cinema Evaluation Board (CEB).

Raw copy pa yata ang pinapanood sa CEB kaya medyo malabo pa.

Anyway, matagal-tagal na rin nating hindi napapanood si Phillip Salvador sa pelikula. In fact, hindi ko nga matandaan kung anong last movie niya. Parang nakalimutan na tuloy ng tao na magaling siyang actor dahil naka-focus ang issue tungkol sa demanda sa kanya ng ex-girlfriend niyang si Cristina Decena.

Wala pang playdate ang pelikula. Pero mas maganda siguro kung mako-convert ito sa 35 millimeter para mas maganda ang presentation dahil sure nang meron silang tax rebate sa kikitain nito.

* * *

Graded B din ng CEB ang Kapag Tumibok Ang Puso, Not Once But Twice. Nakakatawa ang movie at grabe ang kissing scene nila Senator Bong Revilla and Aiai delas Alas. Sus, di kaya nagselos si Lani Marcado do’n? Kasi ba naman talagang grabe.

In fairness din, nagmukhang bagets si Bong sa pelikula. Guwapito siya rito at sumayaw-sayaw pa ng break dance.

Pero revelation si Inah Revilla. Magaling na ang bagets samantalang kakasabak pa lang niya sa acting sa pelikula pagkatapos ng matagal-tagal na panahon. Second movie niya ito at bata pa siya nang una siyang lumabas sa pelikula.

Short lang nga ang role ni Precious Lara Quigaman dahil na-dead agad siya sa movie. Pero akala ko ba ayaw niyang pahalik kay Bong? Bakit meron namang hug and kisses sila ni Bong sa movie kasi nga naman paano maju-justify na mag-asawa sila kung walang gano’ng eksena?

Maganda ang rehistro ni Precious Lara sa screen pero next time sanang gagawa siya ng movie, ‘yung pa-cute naman ang role niya. Baka kasi ma-typecast siyang young mom sa pelikula at television.

Nag-start nang mapanood sa Metro Manila theaters ang Kapag Tumibok Ang Puso under the direction of Wenn Deramas for Imus Productions.

* * *

Hindi pa man nagpapakasal si Miriam Quiambao sa asawa niyang si Claudio Rondinelli pinagtsitsismisan na sa ‘inner circle’ na hindi magtatagal ang kanilang relasyon. Kasi pala, hindi naman daw super rich ang kanyang papa. Hindi ito super yaman tulad nang napangasawa ni Mai Mai Cojuangco (anak ng may-ari ng Bennetton) si Claudio. Assistant lang pala ito ayon sa source. In other words, tauhan lang daw ito at sinusuwelduhan compared sa akala ng marami na rich ang pinakasalan ng beauty queen.

Although may mga business naman daw ito, pero hindi ganoon ka-big time tulad ng napangasawa ni Mai Mai.

"Na-disillusion siya kaya nagkaganoon," ayon sa source. "Ang bilis niya kasing nag-decide. Hindi niya masyadong na-background check," added my source.

True enough, ngayon hindi man i-admit directly ni Miriam, maugong ang balitang hiwalay sila.

"Nang makita ko nga ang wedding photo nila, alam ko nang hindi sila magtatagal. Parang ang daming inhibitions ni Miriam," say ng isang showbiz observer na beterana na sa industriya.

* * *

Congrats to my friend Butch Bustamante sa naka-schedule niyang civil wedding today.

Belated happy birthday naman to Ramir Orteza.

Cheers...

* * *

Salve V. Asis’ e -mail - [email protected]