Di feel ng mga kasamahang Baywalk Bodies si Jerry Jacob!

May ilang kasamahan si Jerry Jacob sa Baywalk Bodies na ilang sa pagpapasosyal niya kung kaya di nila siya feel, di masyadong pinapansin. Sa halip na magtampo tulad nang nababalita, nakikiramdam na lang muna ang baguhan sa grupo at nag-iisip ng paraan kung paano niya masusuyo ang mga kasamahan.

Bukod sa bagong album ng Baywalk Bodies na pinaghahandaan ni Jerry, abala ito sa paghahanda sa pagharap niya sa TV bilang co-host ni Ms. Cory Quirino sa palabas na The Good Life sa Studio 23.

Si Ms. Vilma Sega ng Star Records ang nagka-interes sa sexy singer para sa naturang palabas. Mapapanood ito tuwing Sabado, 9-10NU.

* * *

Inilipat na pala ng Biyernes ang Maalaala Mo kaya ng ABS CBN.

Tampok ngayong linggo si Bea Alonzo sa isang award winning portrayal kay Mayor Lina Bagasina. Kailan lamang napanood si Bea sa nasabing drama anthology katambal si Diether Ocampo.

* * *

Nanalong Favorite Male Artist ng MYX sa katatapos na MYX Music Awards si Erik Santos. Siya ang nakakuha ng pinakamaraming text votes sa mga kandidato.

* * *

Nalulungkot naman ako para sa kaibigan kong si Jim Acosta ng Psalmstre dahil na-late ito sa launching ng kanyang New Placenta Soap. May death threat daw ito kaya kinailangan pang kumuha ng mga mangangalaga sa kanyang kaligtasan.

Anyways, isang malaking tagumpay ang launching ng New Placenta na mayro’n nang dalawang variants, ang Orange for adult market at Goat’s Milk for the teen market.

Isang fashion show ang nagsilbing highlight ng launching at nagtampok kay Melanie Marquez ang celebrity endorser ng New Placenta. Hindi pa rin kumukupas ang galing ng lola mo sa pagrampa!

* * *

Tungkol naman sa avalanche at landslide ang tampok sa SOS (Stories of Survival) ng ABC5 ngayong gabi. Makikita ang istorya ng isang babae na naka-survive matapos matabunan ng mabibigat na yelo. Ito raw ang pinakamatagal na pananatili ng tao sa ilalim ng lupa na nakaligtas! Isang bagong kasal din ang nabagsakan ng 80,000 tonelada ng malalaking bato sa Yosemite Nat’l. Park sa California. Host ng programa si Martin Andanar.

* * *

E-mail: [email protected]