Bagong Sexbomb

Isang simpleng estudyante na taga-Marilao, Bulacan ang bagong Sexbomb na ipinakilala noong fans day ng Sexbomb sa UP Theater na dinumog ng maraming tagahanga. Hindi kami makapaniwala, ilang bus galing ng Bulakan, Bataan, Laguna, Pampanga, Ilocos, Nueva Ecija ang dumating hatid ang mga tagahangang sumaksi sa affair nila. Bising-bisi ang Curimao group.

Ipinakilala si Hazel Navigatos, bagong Sexbomb na ang galing sumayaw. May solo number siyang ginampanan para ipakitang dapat lang siyang mapasama sa grupo. Nanalo si Hazel nun sa QTV 11 sa pa-contest ng Lets Get Aww.

"Bata pa po, hilig ko na ang sumayaw. Idol ko po sina Ate Rochelle, Jopay, Izzy at iba pa.

"Gusto ko rin pong mag-artista. Sana po, isali ako ni Ate Joy sa Daisy Siete. Ipakikita daw niya ang pag-arteng ginagawa niya sa pag-aaral sa Marilao. At least magagamit na raw niya ito ngayon sa screen. Mahirap lang sina Hazel, gusto niyang masundan ang yapak nina Rochelle, Jopay, Izzy at Weng. — VIR GONZALES