Siakol, lumusob sa malls

Sadyang napaka-busy ng dalawa sa Alpha Music’s top bands, ang Color It Red at Siakol. Maliban sa kanilang di mabilang na provincial sorties, regular gigs at TV guestings, sila ay nagkaroon ng series of mall shows kamakailan para i-promote ang kani-kanilang mga albums mula sa Alpha Music.

Ang Color It Red ay pinahanga ang mga manonood sa pamamagitan ng kanilang enchanting sound at dynamic performance as they sang songs mula sa kanilang latest album, ang "Color It Red". Ang naturang banda ay kinabibilangan ng mga original members na sina Cookie Chua (vocals) at Barbi Cristi (rhythm guitar) kasama sila Bopip Paraguya (bass), Ariel Policarpio (lead guitar), Sam Baja (keyboard) at Jayvee Torres (drums), sila ay nakagawa ng album na naglalaman ng 12-all original positive tracks in English at Tagalog.

Samantala, ang Siakol ay nagpamalas ng kanilang electrifying sound at on-stage bravura nang sila’y umawit ng mga awiting mula sa kanilang latest album na may pamagat na "Kabilang Mundo" mula sa Alpha Music. Ang Siakol ay binubuo nila Noel Palomo (vocals), Miniong Cervantes (guitar), James Rodriguez (drums) at Wowie Flores (drums). Ang "Kabilang Mundo" ay ang pang-pitong album ng Siakol na nagtatampok sa 12 punk-rock tracks na nagpapatungkol sa buhay, pag-ibig at kung anu-ano pang mga bagay na nagpapagulo sa realidad. – DEARLY S. GANADEN