Gab Valenciano, Nikki Gil, break na!

Gaano kaya katotoo ang balitang nakarating sa amin na pinopormahan ngayon ni Alfred Vargas ang ex-girlfriend ni Mike Tan na si LJ Reyes?   Magkakasama sa I Luv NY sina Mike, LJ at Alfred.  Hindi kaya magkailangan ang tatlo?  Teka, di ba naging item din sina Alfred at Diana Zubiri?

* * *

Walang alinlangan na ang Pinoy boxing hero na si Manny Pacquiao ang hari ngayon ng mga TV commercials.  Sa rami ng kanyang commercials na sabay-sabay na tumatakbo sa ere ay nakalimutan na naming bilangin kung ilan.  Sa laki ng kinikita ngayon ni Manny, masasabi natin na siya na ang pinakamayamang Pinoy boxer of all time.

Hindi sana totoo ang balitang nakarating sa amin na mahilig umano si Manny sa casino at sabong dahil kapag nagumon siya sa sugal, tiyak na mababale-wala ang kanyang pinaghirapang pera at pangalan.

* * *

Minsan ay nakita namin si Toni Gonzaga sa may lobby ng ABS-CBN at kinumusta namin siya kung totoong sila na ni Sam Milby.

"How I wish," tugon niya sa amin.

Pero marami ang nagsasabi na pursigido umano ang PBB Fil-Am ex-housemate sa panliligaw sa singer-actress-TV host. 

Hindi naman ikinakaila ni Sam na talagang gusto niya si Toni at natutuwa siya na magkakasama sila sa isang pelikula. 

* * *

Tiyak na matutuwa ang mga fans ng superstar at young superstar na sina Nora Aunor at Judy Ann Santos dahil magkakasama ang dalawa sa kauna-unahang pagkakataon sa isang special event sa pamamagitan ng Philippine-US Expo ‘06 sa Agosto 12 at 13 sa Pomona, Los Angeles, California. 

Makakasama rin sa nasabing event ang darling ni Juday na si Ryan Agoncillo.  Mula sa L.A. ay lilipad naman ang magkasintahan patungong New Jersey, USA para sa Philippine Fiesta ‘06 na gaganapin naman sa Agosto 19 at 20. 

Ang dalawang magkahiwalay na events ay i-didirek ng writer-talent manager na si Noel Ferrer at si Albert Sunga naman ang over-all in charge ng production at stage coordinator.

* * *

Break na sina Nikki Gil at at Gabriel Valenciano (anak nina Gary V. at Angeli Pangilinan-Valenciano) at umabot lamang ng ilang buwan ang kanilang relasyon.  Aminado si Nikki na first boyfriend niya si Gab pero wala umano siyang pinagsisisihan kung hindi man nagtagal ang kanilang relasyon dahil may natutunan naman daw siya. 

Hindi naman nagmamadaling magkaroon ng kapalit si Gab sa puso ni Nikki dahil bukod sa pareho pa silang bata ni Gab, gustong pagtuunan ni Nikki ang kanyang career hindi lamang sa singing at hosting kundi maging sa acting.

Si Nikki ay unang nakilala ng publiko sa pamamagitan ng kanyang Coke commercial.

* * *

[email protected]