Sharon, pinaiyak si Roderick Paulate!

Tuwing Linggo ay naka-tune in sa programa niyang Sharon sa Dos ang kanyang mga tagahanga. Pinatunayan niyang sa kanyang pagbabalik, muling nabuhay ang mga manonood. Nun pa niya gustong bumalik.

"Kaya lang, paano naman ako haharap sa public sa taba ko, aber nga?" say ni Sharon. Kaya, super-tiis siya sa di pagkain ng mga paborito niya. Bagama’t magaling magluto, hindi siya gaanong tumitikim nito. Tanging si Atty. Kiko Pangilinan ang nagi-enjoy sa pagkain. Tingnan nga ninyo, medyo mataba si Atty. ngayon.

Sa totoo lang, nahirapan si Sharon na magpapayat. Wala kasi siyang bilib sa mga lipo-lipo na yan. Disiplina palagi ang ginagamit niya. Magpa-lipo ka nga raw, kung kain ka din nang kain, masisira talaga ang figure mo.

Daming fans pa naman si Sharon na nagreregalo palagi sa kanya ng sweets, tulad ng leche plan, ube, espasol at iba pa. Paano raw siya papayat, kung kakainin niya lahat ito? Dahan-dahan lang daw siya sa pagtikim sa mga bawal na pagkain.

Maganda ang concept ng Sharon, interesting ang mga topic na pinag-uusapan. Iniba niya ang mga personalidad na kinakapanayam. Magaling magtanong si Sharon. Minsan siyang may tinanong kay Roderick Paulate, napaiyak niya ito sa kamera. – VIR GONZALES