‘Panday’ na, ‘Pacquiao’ pa!

Mabigat ang papel ngayon sa pelikula ni Jericho Rosales, Panday na, Pacquiao pa. Problemado si Echo dahil kailangang ipakita niya sa bayan, na pwede niyang i-portray ang mga roles na magkaiba.

Parehong idol ng masa ang dalawa. Sa Panday mala-FPJ siya. Bagay na naipakita niya sa TV, directed by Toto Natividad. Sa Pacquiao si Joel Lamangan ang nagturo sa kanyang maging boksingero.

"Nagpapasalamat nga ako. Sa dalang ng pelikula ngayon, mabibigat pang roles itong naibigay sa akin," kwento ni Echo.

Hindi naman niya binabalewala ito. Dibdiban ang pagbibigay niya ng atensyon sa dalawang magkaibang papel.

Noon palang buhay si FPJ, type nitong makasama sa movie si Pacquiao. Kaso nga lamang, nakamatayan niya ito. Mahilig kasi sa boxing si FPJ.

Noong nasa probinsya pa si Echo sa Bikol, mahilig na siya sa boxing pero, naagaw siya ng showbiz kundi siya nanalong Mr. Pogi sa Eat Bulaga, baka boksingero siya ngayon. — Vir Gonzales