5 ang may crush kay Ella!

Nakakatuwang kausapin si Ella Guevara na gumaganap sa papel na Cassandra sa Encantadia. Ayon sa magandang bata, nalulungkot siya sa pagwawakas ng Encantadia dahil para siyang may pamilya sa telefantasya.

Nagbiro ako kung may nanliligaw na ba sa kanya dahil sikat na sikat na siya ngayon?

"Crush lang po. Apat po sila… Lima pala at ito’y sina Miguel, Paul, JM, Gabriel at Serge na mga StarStruck Kids. Hindi pa po naman ako sikat eh," anang child actress.

Bukod sa Encantadia ay kasama pa rin ito sa Duyan bilang anak-mayaman.

Inilalagay niya ang kinikita sa bangko at pag may kailangang bilhin ay saka lang nagwi-withdraw ang kanyang papa o mama.

Pitong taon na si Ella at grade two na sa pagpasok. Ikalawa ito sa apat na magkakapatid.

Marky, Di Ikinahihiya Ang Pagiging Igorot

Nakakwentuhan namin ang director ng Encantadia sa farewell party nito noong Linggo at sinabing hanga siya sa galing umarte ni Marky Cielo.

"Natural siyang umarte at hindi nagrereklamo kahit magdamagan ang taping. Ang maganda sa kanya ay ikinararangal nito ang kultura sa Mountain Province. He‘s proud to be an Igorot," anang director,

Tomboy Ang Dyowa!

Hanggang ngayon ay di pa rin nag-aasawa ang aktres na ito na nagdi-direk na rin na galing sa angkan ng mga artista. Paano walang nanliligaw sa kanyang lalaki. Kapwa babae ang pinapatulan niya. Kahit sa Amerika ay tomboy din ang kasama niya.

PERSONAL: Taos pusong pakikiramay din ang ipinaaabot namin sa pamilya ng yumaong si Chat Silayan.