Handa na sa hubaran!

Sila sina Irish Enriquez at Feliz Foley, mga bagong sex nymphets na handang-handang sumabak sa hubaran sa cinema, kung kinakailangan. Pero, hindi lamang dito may ibubuga ang dalawa, "Marunong kaming umarte, kumanta at sumayaw," anang 20 anyos na si Irish at 19 years old na si Feliz.

Ang dalawa ay nakatakdang sumabak sa isang mainit na digital movie na gagawin ni Yrell Lorenzana.

"Okey lang sa aking maghubad sa harap ng kamera kung ako ang bidang babae. Kaya nga tuwang-tuwa ako nang alukin akong magbida sa isang digital movie. Bihirang pagkakataon ito kaya sinunggaban ko agad," sabi ni Irish.

"Hanggang topless lang ako at payag ako sa maiinit na kissing scenes. Hanggang dun lang," sabi naman ni Feliz.

Sa Zamboanga ipinanganak si Irish pero, sa Cavite lumaki. May taas siyang 5’4" at ang sukat ng katawan ay 34-23-34. Sumali siya sa isang contest na ini-sponsor ng Eat Bulaga at naging ramp model. Kahawig niya si Julia Roberts.

Ipinanganak at lumaki naman sa Angeles, Pampanga si Feliz. 5’6" ang taas niya at naging Miss Plaridel. Kahawig niya si Angelina Jolie.

Parehong Chinese ang naging ka-relasyon ng dalawa. Yung kay Feliz ay tumagal ng pitong buwan. Binitawan niya ang lalaki dahil walang future ang kanilang relasyon. "Itatakwil siya ng mga magulang niya kapag nag-asawa siya ng di niya ka-dugo," anito.

Dalawang taon naman sina Irish at ng ka-relasyon niya. "Young graduate siya na nagma-manage ng sarili niyang business. Nawalan lang ako ng gana dahil masyado siyang mahigpit sa maraming bagay. Ayoko ng dinidiktahan."

* * *

Mayro’n na namang bagong ride sa Star City, karagdagan ito sa 360-degree turn ng Zyclon Loop at sa nakakabasa pero enjoyable na Wild River. Di ko lang alam kung kaya nitong agawin ang pansin ng apo kong si MacMac sa mga lovable penguins na payag haplos-haplusin ng mga tao.

Surf Dance ang tawag sa bagong attraction na ito sa Star City. Apat lamang ang meron nito sa mundo – ang Adventureland sa New York, World Carnival sa Hongkong, Touring Fairgrounds sa Germany at itong nasa Star City.

Ang Surf Ride ay isang gondola ride na may taas ng isang 5-storey building, may 44 na upuan na idinuduyan ng pataas, pababa at patagilid. May dalawang kamay na bakal ito na nagtataas sa gondola at nagduduyan dito. Operator-controlled ito kaya ligtas ang mga sasakay dito. Tiniyak ito ni Phil Lindqquist, chief inspector ng California na siyang tumitiyak ng safety ng lahat ng rides sa Star City, kasama na ang Surf Dance.

Mura lang ang entrance sa Star City (P60) at Ride All You Can (P250).

Mayro’n "Free 5 Ride" tickets na ibinibigay sa isang maswerte matapos siyang magbayad ng entrance. Pwede niya itong upgrade ng Ride All You Can sa halagang P150 lamang.