Annulled na sina Snooky at Ricardo

Sa tatlong orihinal na hosts ng F, isang lifestyle magazine na napapanood sa Studio 23, tanging si Angel Aquino lamang ang napasama sa bagong lifestyle magazine ng TV network na pinamagatang Us Girls na nakatakdang magsimula sa darating na Linggo, March 19, 9:30NG.  Makakasama ni Angel ang dalawang mga kabataang hosts na sina Cheska Garcia at Iya Villania.

Although may ilang pagkakahawig ang Us Girls sa naunang F lifestyle magazine show, mas malawak ang coverage ngayon ng Us Girls dahil tatalakay din ito ng maraming bagay at kasama na rito ang relationships at iba pa.

Sina Angel, Cheska at Iya ang siyang magiging kinatawan sa kani-kanilang henerasyon.  Sa unang episode ay tatalakayin nila ang maraming bagay na puwede nilang gawin ngayong summer.

* * *

Nung Enero 16 ng kasalukuyang  taon, ibinaba ng korte ang desisyon ng annulment case ng mag-asawang Snooky Serna at Ricardo Cepeda.  Binigyan si Ricardo ng 15 araw na i-contest ang nasabing desisyon.  Pero nang hindi i-contest ni Ricardo ang desisyon ng korte, nagkaroon ng final decision nung February 15 kaya kapwa na malaya ngayon ang dating mag-asawa.

Meron na umanong kapalit si Ricardo sa puso ni Snooky.  Isa itong band-member na mas bata kay Snooky at nakilala na ito ng personal ni Ricardo.  Wala namang problema kay Ricardo na wala pa umanong balak maghanap ng kapalit ni Snooky.

Sa ngayon, ini-enjoy muna ni Ricardo ang kanyang bagong freedom.  Kapag week-end ay kapiling ng aktor ang kanyang dalawang anak na sina Samantha (13) at Sachi (9).  Tanggap na rin ng mga bata ang sitwasyon ng kanilang mga magulang.

* * *

Tuwang-tuwa si Cheska Garcia sa pagkakapili sa kanya ng Studio 23 para maging isa sa tatlong host ng bagong sisimulang programa, ang Us Girls.  First time ito ni Cheska na mag-host sa TV kaya magkahalong excitement at nerbiyos ang kanyang nararamdaman lalo pa’t alam niyang bihasa na si Angel sa ganitong klaseng programa.

Si Cheska ay nasa pangangalaga ngayon ni Arnold Vegafria.

Speaking of Arnold, personal nitong pinabulaanan sa amin na banned ang kanyang alagang si JayR sa QTV.  Ayon sa talent manager, paano maba-ban si JayR sa QTV samantalang naka-kontrata ito sa GMA-7 network at magkakaroon pa ito ng bagong show sa QTV-11.

Si JayR ay isa sa pinaka-in demand sa mga talents ni Arnold.  Bukod sa SOP at sa bago nitong sisimulang programa sa QTV-11, in-demand itong concert performer at celebrity endorser.

* * *

[email protected]