Bayani, deserving bang bigyan ng Bert Marcelo Memorial Award?

Hanggang ngayon nagtataka ako kung bakit dapat bigyan ng Bert Marcelo Memorial Award ng Gulliermo Mendoza Foundation si Bayani Agbayani.

Unang tanong na naglaro sa isip ko, isang lifetime achievement o simpleng achievement award ba ang gawad na ito na ipinangalan sa dakilang komedyante at emcee?

Syempre, papasok na palaisipan pa kung anu-ano ng mga kapuri-puring nagawa ni Bayani para sa showbiz? Hanggang ngayon naman kasi hindi naman ako natatawa sa istilo niya bilang komedyante.

Baka naman para sa isang baguhang komedyante ito na nakitaan ng magandang potensyal. Hindi ko pa rin matanggap na dapat nga siyang bigyan ng Bert Marcelo Memorial award.

Marami tayong higit na promising comedians around. Tulad ni Vhong Navarro na marami nang beses naging bida sa pelikula at naging blockbuster pa ang kanyang mga movie starrers.

Sa lahat naman kasi ng mga award giving bodies, kapag ginawaran ng isang memorial award tulad ng Dr. Jose Perez Memorial Awards ng FAMAS, na pinagkakaloob sa isang showbiz personality na maganda ang ipinakitang record sa larangan ng public relations.

Si Jose Mari Chan naman binigyan ng Lifetime Achievement Award ng Aliw Awards, Awit Awards at marami pang grupo dahil obvious naman ang mga nagawa niya sa larangan ng musika. Nakadalawang Diamond Record awards na siya at marami siyang mga compositions na naging big hits at naisaplaka pa ng marami niyang kapwa mang-aawit dito sa bansa at pati sa abroad.

Halos lahat kasi ng mga memorial awards pati ang Don Ciriaco Santiago Memorial at Lou Salvador Sr. Memorial Awards, sa mga achievements talaga binabatay ang kanilang binibigyan ng karangalan.

Kaya malaking palaisipan talaga kahit sa publiko ang Bert Marcelo Memorial Award.

Hindi naman tinatawaran ko ang kakayahan ni Bayani Agbayani o ang kanyang potensyal na umasenso ng husto sa kanyang career. Ang kaso lang, marami pa tayong mga batang komedyante na higit na deserving mabigyan ng parangal na tulad nito.

Sana naman, naibigay ang gawad na ito sa tunay na nararapat bigyan. Kasi baka bumangon sa kanyang libingan si Tata Bert Marcelo!

* * *

Si Direktor Maryo J. Delos Reyes mismo ang nag-turn-over kay Archie Ilagan ng management sa bagong Masculados.

Kaya buong ningning na sabi ni Archie, "Hindi ako nang-ahas, ha!"

Gustung i-plug ni Archie ang first show ng bagong Maculados to be stage at Arkdia on March 29 and April 5. Kakantahin ng grupo ang kanilang bagong single na "Gigil".

* * *

Sa lahat ng fans ni Jasmine Trias, maari pa ninyo siyang mapanood ng libre today, Sunday, 5PM, sa Robinson’s Place, Manila.

Maraming mga sorpresang inihanda si Jasmine para sa inyong lahat at maari pa kayong magpapirma ng autograph.