Echo, bibilhan ng surfboard si Heart!

May nagtanong kay Jericho Rosales kung ano ang Valentine gift niya kay Heart Evangelista at sinabi niyang, "Wala pa. Wala kasi akong panahong bumili. Pero, gusto niyang magkaro’n ng sarili niyang surfboard kaya baka ito ang bilhin ko para sa kanya, sa Malaysia," sabi niya sa presscon ng Pacquiao, tentative title ng filmbio ng boksingero na sina Jericho at Bea Alonzo ang gaganap ng pangunahing roles.

Pumunta ng Malaysia si Echo kasama ang banda niyang Jericho’s Jeans para dun mag-launch ng kanilang album na "Loose Fit" na inayos ng EMI Malaysia para sa kanila pero, bumalik siya ng Valentine’s Day para makapiling si Heart. Malamang sa isang beach sila nagpalipas ng Araw ng Mga Puso.

* * *

Mabigat yung responsibilidad na nakaatang sa balikat ni Camille Prats who is topbilling Rosas Entertainment Films’, initial venture na pinamagatang Mga Batang Bangketa na nakatakdang ipalabas ngayong ika- 22 ng Pebrero.

Balik si Camille sa wide screen bilang produkto ng isang broken marriage at tagapangalaga ng isang nakakabatang kapatid na lalaki na lubhang naapektuhan ng paghihiwalay ng kanilang mga magulang. Love interest naman niya si Marco Alcaraz na gumaganap na protector ng Mga Batang Bangketa, nagnanakaw sa mga magnanakaw.

Tampok sa pelikula na dinidirek ni AJ de Guzman sina German Moreno, John Nite, Juan Rodrigo, Melissa Mendez, Alicia Alonzo, Natasha Ledesma at ang mga kabataang artista na sina Myko Suntay, Cyline Suntay, D’Muska, Michelle Rodriguez, Rowell Reylo, Zaira Mate, Jocel Escobal at introducing sina Jan Conrad, Toni Magalona, Justin Rosanna at Jessica Montessa.

* * *

Nanood na ba kayo ng I Will Always Love You nina Richard at Angel? Bukod sa isang magandang pelikula ang mapapanood n’yo, may pagkakataon pa rin kayong manalo ng P100,000, trips for 2 sa Hongkong Disneyland (3 winners), 5 Sanyo 21-inch TV, 5 Sanyo refs, 5 American Heritage microwave ovens, 5 American Heritage water dispensers, 5 IPod Shuffles, 10 Nokia 1100 phones, 4 Easy Rider bicycles, 3 American Home washing machines w/dryers at 2 La Germania Gas Ranges.

Lahat ng manonood ng IWALY from Feb. 10-19 ay bibigyan ng raffle coupons na kailangang lagyan ng pangalan, tirahan at signature at ihulog sa mga drop boxes sa theater lobbies.

O di ba, generous ang Regal at GMA Films?

* * *

[email protected]