Maja, itinanggi ang 3 buwang relasyon nila ni John Prats

Ipinabasa sa amin ni Chit Ramos ang text message ni Maja Salvador na sagot sa nasulat naming three months na silang on ni John Prats. Maiksi lang ang message pero, hindi magugustuhan ng actor.

Sabi ng message ni Maja: "Three months yuck!" No explanation needed kung ano ang gusto niyang tukuyin.

Sinabi namin kay Chit na ayaw mag-retract ng source namin sa itsinikang three months na ang relasyon ng dalawa bago nabuking. Pero, ayaw pa ring maniwala ng manager ni Maja kahit may binanggit kaming date kung kailan nagsimula ang relasyon ng dalawa.

Hindi pa namin nakukuha ang reaction ni John sa pagdi-deny ni Maja. Matatagalan bago siya makapag-comment dahil nasa Bahay ni Kuya na siya sa Pinoy Big Brother Celebrity Edition.

* * *

Balita from the States ang hindi pagiging successful ng preliminary audition ni Carol Banawa sa Season 5 ng American Idol na ginawa sa Austin, Texas. Marami ang na-disappoint na Pinoy sa tsikang ito pero, wala tayong magagawa’t ‘di natipuhan nina Paula Abdul, Randy Jackson at Simon Cowell ang istilo ng pagkanta ni Carol.

Pero, may three Fil-Ams naman daw sa semis at sila ang aabangan natin pare-pareho kung makakapasok sa finals. Hindi namin nakuha ang names ng tatlong Fil-Ams pero, pumupusta kaming makikilala rin natin kung sino sila.

Magaling na singer si Carol and she has a perfect diction. Saan kaya siya nagkulang o nagkamali?

* * *

Isa ang pangalan ni Sid Lucero sa binanggit sa aming maiiwan kapag nagbawas ng cast ang Etheria. Nag-paid off ang pagpapakahirap niya na pag-aralan ang character ni Asval. Nalaman naming pati mannerisms ni Bobby Andrews na gumanap na Asval sa Encantadia ay pinag-aralan niya para hindi malayo ang portrayal niya.

Ang ilan pang maiiwan ay sina Francine Prieto, Jopay Paguia, Pauleen Luna at Alessandra de Rossi. Ayaw pang ipaalam ang mga matsutsugi’t baka hindi pa alam ng kinauukulan at ma-disappoint sila’t tamarin nang mag-taping.

Non-performers daw ang karamihan sa maaalis. As in, disappointing sila sa acting department. May iba namang special participation lang at kailangan nang tanggalin.

Hindi pa pala namin naitatanong sa manager ni Sid kung nakabili na ito ng bagong kotse. Matagal na raw nag-iipon ang binata for a new car dahil ang ginagamit niyang sasakyan ay 10-year-old na.

* * *

Favorite ni Rowena Agilada ang Moms QTV 11. Naaliw na’y marami pang nalalaman sa guests nina Lani Mercado at Sherilyn Reyes ang aming kaibigan.

Madadagdagan ang nalalaman ni Weng sa magagandang episodes gaya ngayong Martes na pinamagatang Ngiti Ng Puso Ni Nanay. With guests Pilar Pilapil, Perla Adea and Pinky Marquez.

Ipapakita nilang hindi hadlang ang pagiging maliit para magkaroon ng normal life.

Former sexy stars na ina na ngayon ang bisita sa Thursday episode entitled Mommy Na Po Sila. Ikukuwento nina Via Veloso, Katrina Paula, Amelia Jones at Aya Medel ang naramdaman nilang kasiyahan sa pagiging ina kapalit ng kanilang careers.

* * *

Tampok sina Jelaine Santos at Ken Punzalan, StarStruck 2 Avengers sa play na Ibong Adarna. Mapapanood ito sa St. Mary’s College sa Meycauayan, Bulacan sa February 9. Stage actors ng iskwelahan ang kasama nila sa cast.