Christopher, abala sa recording!

Si Christopher de Leon ang kahit kailan ay di mawawalan ng gagawin. Kahit na matumal ang mga pelikula ngayon ay marami pa ring kumukuha sa kanyang serbisyo – sa movies, TV at maski na sa digital. Malapit nang mapanood ang Nasaan Si Francis na kung saan ay isang offbeat ang character na ginagampanan niya. Digital movie ito ng Unitel Pictures na prodyus ng 2003 Negros Summer Workshops.

Ngayon ay abala ito sa promo ng kanyang first album sa Viva, ang "Mga Awit Pelikula", ginawa niya matapos ang 30 taong pagiging artista sa pelikula. Unang single niya na na-release mula rito ay ang "Bituing Walang Ninging". May duet sila ni Sharon Cuneta sa loob, ang "Maghintay Ang Walang Hanggan". Guest din sa album si Regine Velasquez, inawit nila ang "You Are My Song". Nakapareha ni Boyet ang dalawa sa mga nasabing movie na kung saan ay kinuha ang mga kanta.

Nasa loob din ang "Sisikat Din Ako" (Kakabakaba?) ni Jim Paredes, "Iduyan Mo" (Aguila) ni Ryan C, at marami pang magagandang awitin na mas pinaganda pa ng interpretasyon ng magaling na aktor.

Magkakaro’n si Boyet ng launching bukas Linggo, sa SOP at sa Podium, Ortigas sa Pebrero 8.

* * *

Gusto mong manalo ng 21-inch flat TV? Ang Skycable at ang Wowowee ay namimigay nito araw- araw sa nabanggit na programa ng ABS CBN.

Lahat ng mga magpapakabit ng SkyCable Gold o SkyCable Silver simula Enero 17 hanggang Pebrero 17 ay may pagkakataong manalo sa pa-raffle na ito. Kaya sali na. Tawag na agad sa 6310000. Ihahayag ang mga winners araw-araw sa Wowowee.

* * *

Mapapanood na muli ang Pinoy Big Brother simula ngayon Pebrero 4, sa ABS CBN 2 at sa SkyCable. Lahat ng mada-dramang tagpo LIVE 24 na oras araw-araw 24x7 channel ng SkyCable. Wala ka pang cable? Magpakabit na agad para di mahuli sa "teleserye ng tunay na buhay" na mas ginawang exciting dahil mga sikat na personalidad ang kasali ngayon, 14 silang lahat na titira sa loob ng Bahay ni Kuya sa loob ng 57 days.