Rock star Rico Blanco sa una niyang acting role

Layunin ng Unitel Pictures, gumawa ng pelikulang Crying Ladies, sa pamamagitan ng distribution arm nitong Unico Entertainment na manghikayat at tumulong sa mga baguhang filmmakers. Ang pelikula nitong Nasaan si Francis na tinatampukan ni Christopher de Leon sa isang naiibang role ay isang produkto ng Being Batch ng 2003 Negros Summer Workshops. Ang screenplay nito ay isang Cinemalaya finalist.

Mga maliliit na investor, ilang mga filmmaker at ilan ding mga artista ang nagtulung-tulong para mabuo ang pelikula na humiram lamang ng gamit, mga shooting equipment, post facilities at technical staff sa Unitel para mabuo ang pelikula. Ang Unico ang gumastos sa print, advertising at distribution bilang suporta sa first time filmmaker writer/director Gabby Fernandez. Bahagi si Gabby ng directorial tag team nina Peque Gallaga at Lore Reyes ng maraming taon.

Ipinakikilala sa Nasaan Si Francis ang mga rock star na sina Rico Blanco ng Rivermaya at Karl Roy, isang rock musician sa kanilang unang acting roles. Kasama rin sina Epy Quizon bilang Francis, Paolo Contis, Ricky Davao, Rio Locsin, Rita Avila, Angel Aquino, Michael de Mesa, Mark Gil, Julia Clarete at Tanya Garcia.

Ang istorya ay tungkol kay Boy na nangangailangan ng pera para mailigtas ang girlfriend niya na napipilitang magtrabaho bilang isang prostitute. Isinangla niya, kasama ang isa pang kaibigan na si Sonny, ang kalabaw niya sa kababata niyang si Francis. Sa halip, inalok siya ni Francis na ibenta ang 40 tableta ng Ecstasy sa dobleng halaga. Pumayag siya. Ang mga sumunod na pangyayari ay isang nakatutuwang cat-and-mouse game.

* * *

Malapit na ang wakas ng Sugo na pinangungunahan ni Richard Gutierrez sa role ng kambal na sina Miguel at Amante. Kwento ito ng isang walang hanggang na labanan ng kabutihan at kasamaan. At ng di matapus-tapos na di pagkakasundo ng kambal na hindi batid na ang pagkakasundo lamang nila ang pinaka-malakas na paraan upang matalo si Apo Abukay (Gardo Versoza) at maibalik ang kapayapaan sa mundo. Naiipit sa kanilang tunggalian si Isabel na di rin alam kung sino ang tunay niyang mahal sa dalawa, ang kababata ba niyang si Miguel o ang naudlot niyang pakakasalang si Amante?

Nagbibigay ng P1,000 gabi-gabi ang Sugo sa isang mapalad na manonood o P25,000 sa grand draw at limited edition ng Sugo bracelets. Sagutin lamang ang trivia questions gabi-gabi at i-text ang sagot sa SUGO space ON at ipadala sa 4627 Smart at Talk N Text at 2364 para sa Globe, Sun at Touch Mobile subscribers.

Pwede n’yo ring piliin kung sino kina Miguel at Amante ang gusto n’yong makipag-bakbakan kay Apo Abukay upang maisalba si Isabel. Bumisita lamang sa GMA WAP site (wap. igma.tv).

Panoorin Lunes hanggang Biyernes, pagkatapos ng Extra Challenge sa GMA7.

* * *

Maswerte ang mga taga-Marikina City sapagkat makikita nila ng live ngayong gabi ang grupong Cueshe sa Boiler Comedy Bar, Riverbanks Mall. Tiyak, magi-enjoy ang lahat dahil kakantahin ng Cueshe ang lahat nilang hits tulad ng "Stay", "Ulan" at "Sorry". Magpa-reserve na agad ng tiket. Prodyus ni Miles Eusebio.

* * *

E-mail: [email protected]