City Dolls, bagong mukha sa showbiz

Walang tigil sa pagtuklas ng mga baguhan ang showbiz. Taun-taon, may mga bagong mukhang lumalabas. Ngayong araw na ito, may mga new faces na rarampa sa Metro Bar Timog, ang grupong City Dolls na mina-manage ni Mar Muñoz Cay na dating nagpasikat sa grupong Regatta Girls.

Titled City Dolls in Mens Room, ang members ng City Dolls ay sina Marille Molina, Ruthie Rosales, Wendy Wallace, Barbie Bermudez, Kim Koronel, Collen Carter at Ginger Gomez. Si Collen ang ex-girlfriend ng actor na si Lester Llansang. Sina Ginger at Kim ay bida naman sa pelikulang digital na GI Joey Batang Gapo.

"Walang pekeng beauty sa mga alaga ko. Pang-wholesome sila sa mga shows namin," sabi ni Mar, noong makausap namin kamakailan. Si Liza Larizabal ang seksing producer ng City Dolls na may single na ring ini-released titled "Mambobola". — VIR GONZALES