Look-alike ni John Lapus, biniktima si Valerie Concepcion

Biktima si Valerie Concepcion at ang mommy niya ng look-a-like ng komedyanteng host na si John "Sweet" Lapus.

Nalaman ito ni John at worried siya sa nangyari sa mag-ina na dapat daw talagang i-report na ito at i-announce sa talk shows para mapag-ingat ang lahat.

Nasa taping ng show niya sa ABC 5 si John nang tinext namin para sa isyung ito at kaagad naman kaming tinawagan.

"Actually, three years ago pa ‘yan na-tackle sa The Buzz, isa siyang baklang payat na kamukha ko nga, tinawagan kasi ako that time ng SM at sinasabing siya nga raw si John Lapus at nanghihingi ng discount sa mga pinamili niya.

"Wala namang ginagawang masama yung bata, 17 years old palang siya that time, so walang grounds palang ipakulong. Although in-announce na namin yan sa show.

"Hindi ko alam kung that same bakla pa rin na gumagaya sa akin noon. Naikuwento nga yan ni Inday Garutay na si Valerie nga raw ang binibiktima, nagtataka naman ako rito kay Valerie, hindi ba niya ako kilala para maloko siya nito?

"Siguro nga dapat mag-anunsyo na ako, papatulan ko na kasi on the other hand, ako rin ang maapektuhan at saka baka marami pa siyang malokong tao."

* * *

Mukhang may makakalaban na ang Hot Tzikz ng katotong Roldan Castro, ang grupong Blue Roses na two years na palang nagsi-circulate sa entablado ng music bars pero ngayon lang sila  namumukadkad para  makilala ng husto.

Sila ang kumanta at sumayaw ng "True Love" under XAX Music.

At dahil ka-level na nila ang Hot Tzikz ay may showdown sila ngayong February 23 sa Metro Concert Bar.

"Gusto talaga namin silang maka-showdown dahil balita namin  sosyal, magaganda at mga fresh sila. Dapat ipakita nilang mas magaganda at mas bata sila kesa sa amin. Ayaw namin yung ibang group na mga mukhang Inday," ito ang pahayag daw ng isa sa Blue Roses.

"Ayaw  din namin sa  Viva Hot Babes.  Mga lola na namin sila," pagtataray pa ng isang member Blue Roses.

E , yung Bodies, ano ang masasabi naman nila?

"Matataba sila? May body ba sila?" say naman ng isa pang miyembro.

Taklesa at  palaban din ang grupong ito  na binubuo nina Florence, Rusnil, Aylyn, Catherine, Nerissa, Maricel, Cristina, Cherry Ann, Janet, Annaliza, Katrina Doris, Geraldine at Michelle. – REGGEE BONOAN