Nagsisimula nang bumalik si Mega!

Isang matagumpay na concert ang ginawa ng Megastar na si Sharon Cuneta sa Middle East nung Disyembre 9.

Ang palabas na ginanap sa Dubai Aviation Club Stadium ay handog ng ABS CBN Middle East at TFC World Tours.

Sabik ang mga tao dun sa Megastar kaya tatlong buwan bago ang concert ay sold out na ang tickets. Tinatayang 7,000 ang nanood sa open air venue. Di lamang taga-Dubai kundi pati na rin ang mga nasa Saudi, Qatar Bahrain at Abu Dhabi.

Kasama ni Sharon ang kanyang pamilya– Mommy Elaine, Sen. Kiko Pangilinan, ang mga anak na sina Frankie at Miel at si KC na nagmula pa sa Paris. Nakipag-duet pa ito kay Sharon ng "Ikaw".

Sa buwang ito ay opisyal na nagbalik sa TV si Sharon nang mapanood sa TV nung Linggo ang kanyang birthday concert na ginanap sa Aliw Theater.

* * *

Kung meron man talagang naiibang telerserye sa TV, ito ay ang Jewel in the Palace na napapanood Lunes hanggang Biyernes sa GMA, pagkatapos ng StarStruck, the Nationwide Invasion.

Bakit mo ito hindi panonoorin ay wala ito ng mga karaniwan nang napapanood natin na mga kwento ng pag-ibig na pinagugulo ng mga love triangle.

Kwento rin ng pag-ibig ang Jewel, pag-ibig between a mother and her daughter, kwento ng pag-ibig among friends na ginawa sa background ng kusina na kung saan pagalingan sa pagluluto ang ipinakikita.

Si Jang Geum ang bida, protege ni Lady Han, namumuno sa kusina ng palasyo na kinidnap. Mayro’n ding kontrabida sa buhay nila, si Lady Choi na nagawang alisin si Lady Han na sagabal sa mga plano niya.

May isang paligsahan na ginaganap para piliin ang mamumuno sa mga tagapaglingkod sa kusina. Ipinakidnap ni Lady Choi si Lady Han na nagalit ang Inang Reyna dahil si Jang Geum ang pumalit dito sa paligsahan.

Makagawa pa kaya si Jang Geum ng paraan para matulungang mahirang na pinuno si Lady Han? At kailan madidiskubre ang kasamaan ni Lady Choi?

* * *

Mabuti naman at magpapa-interview na raw si Wilson Tieng tungkol sa naganap na anomalya sa katatapos na MMFFP.

Dapat na talagang gawin ito ni G. Tieng para malinis niya ang kanyang pangalan. Sa nangyayaring mga anomalya sa iba pang award giving bodies, hindi na mahirap na papaniwalain ang mga tao na may dayaan ngang nangyari sa MMFFP. Sa pamamagitan lamang ng pagsasalita niya masasagot ang mga akusasyon na ipinupukol sa kanya .