Nagtatago’t ayaw magbigay linaw ni Wilson Tieng sa naganap na anomalya sa MMFFP!

Mahal pa rin ni Luis Alandy si Desiree del Valle. Pero sad to say, parang hindi na siya mahal ng aktres dahil nang mag-try siyang makipag-reconcile sa young actress, walang nangyari. Kasalukuyang nasa Amerika si Desiree kaya feeling niya, malabo na silang magkabalikan.

Si Luis ang unang nag-confirm na break na sila. Sa mga previous interviews kasi kay Desiree before, wala siyang direct admission. Lagi lang niyang sinasabi na okey lang sila ng actor. Pero at least ngayon, nagsalita na si Luis.

Almost a year din ang itinagal ng relationship nila. "Paiksi nga nang paiksi. ‘Yung first girlfriend ko, six and half years kami. Kami ni Tin (Tintin Arnaldo), two in a half years and itong kay Dess, one year na lang," he recalled during the presscon ng Gulong Ng Palad.

May communication pa rin sila ng actress at last Christmas ay nag-usap naman sila.

At sinabi niya rin na "Andito lang ako para sa kanya."

Suitor ni Kristine Hermosa ang role ni Luis na nagsimula nang nag-airing kagabi.

* * *

Sobra-sobra na pala ang extension ng Mga Angel Sa Langit. Ayon sa source, panay ang revise ng script ng nasabing teleserye dahil nga pinahahaba pa ang story nito dahil hindi pa nga papasok ang bagong season ng Panday na panay na ang plugging nito kahit na nga may issue na ayaw na uling mag-shooting ni Jericho Rosales for Panday dahil gusto na nitong mag-solo at maging lead vocalist na lang ng sariling banda.

* * *

Maraming positive feedback sa bagong show ng QTV 11 na MMS, ang music video show ng sister station ng GMA 7 na napapanood daily, 4:30 to 5:30 p.m hosted by Raymond Gutierrez.

Dahil nga maganda ang feedback, nagdagdag ng mga new segments ang MMS like My Music Story (pag-uusapan ang history ng featured artist na done a very casual way. ‘Yung tipong naglalakad lang habang ini-interview ang isang singer. More visual ito according to their program manager, Chi de Jesus.

Second ang My Music Scene. "Tsismis naman ‘to. ‘Yung tungkol sa mga kababawan ng mga artista or singer. ‘Yung bagong hairstyle ni ganito or ni ganyan. Tapos magbibigay ng reactions ang audience tungkol sa certain topic. ‘Yung ganun," he explained.

Third ang Sing It. Dito sa portion na ‘to magpa-participate ang mga common tao na mahilig sa videoke. Magiging knowledgeable sila na meron palang isang show na nagi-exist like MMS.

Ang mga dati nilang portions na Word Up To - hip hop dictionary kung saan dini-define nila ang mga words na ang mga hip hop people lang usually ang nakaka-intindi.

Pero hindi solo ni Raymond ang pagho-host. Meron silang mga guest VJs every Tuesday, Wednesday and Thursday. Monday and Friday si Raymond.

May schedule din sila ng music na pini-play kada araw. Every Monday, Pop, Tuesday, Rock; Wednesday, OPM; Thursday, Classic and every Friday, Party Friday - meaning all kind of music.

By the way, kasama sa mga featured artist nila for the month of February si Lovi (wala nang Poe, Lovi na lang daw ang gustong gamiting name nito.)

* * *

Supposedly kahapon naka-schedule magbigay ng statement si Mr. Wilson Tieng para magpaliwanag tungkol sa kanyang mga naunang statement sa mga nanalo sa Metro Manila Film Festival awards night. Pero instead na magpa-interview at magbigay ng statement, nagtago pa ito sa kanyang naka-schedule na interview kay Ricky Lo.

"Bigla siyang nawala do’n sa venue na pinag-usapan namin. Di ba unprofessionalism ‘yun," recalled Tito Ricky.

Pati raw mga TV crew, nasa venue na nang nasabing interview. "Nang tinatawagan na namin siya, hindi na niya sinasagot ang phone," added Tito Ricky.

Ang katuwiran daw ni Mr. Tieng sa iba nitong nakausap na hindi pa siya pinapayagang magsalita ng MMDA.

But given na hindi siya pinayagang magsalita, sana man lang nag-bother siyang tawagan si Ricky para I-cancel ‘yung interview. Hindi ‘yung all of a sudden bigla na lang siyang mawawala sa pinag-usapang lugar. Eh kaso nakita siya ng isang crew na nandoon lang si Mr. Tieng sa tabi-tabi at obvious na umiiwas sa interview.

May kailangan bang iwasan si Mr. Tieng?

Nasa sentro ng intriga ngayon si Mr. Tieng dahil sa resulta ng Gabi ng Parangal ng Metro Manila Film Festival kung saan nagbigay siya ng forecast ng mananalo na supposedly ay bawal sa isang member ng executive committee ng MMFF.