Paolo, taga-bitbit ni Ciara sa HK!

Siguradong pag-uusapan na naman ang Metro Manila Film Festival ngayong taon. Nakapasok kasi sa Magic 7 ang Terrorist Hunter. Isang old movie na raw ito at napanood na rin ng ilang press people nang magpa-press preview ang sana ay magri-release nitong si Sixto Dy.

Last movie raw ito ni Dennis Roldan bago siya nakulong.

Eh bakit nga ba ito nakapasok? Bakit hindi na lang ang Mourning Girls na idi-direk ni Gil Portes ang isinama nila instead na Terrorist Hunter na kino-consider na B-movie ng ilang movie critic.

Anyway, looks like exciting ang MMFF ngayon. Maganda ang mga pelikulang naka-line up particular na ang Exodus, Kutob, Enteng Kabisote, Ako Legal Wife among others.

Bukod nga naman sa malalaki ang budget nila, grabe rin ang special effects.

Ang Exodus for example, nagtayo sila ng sariling set para sa pelikula. Nag-renta sila ng isang warehouse somewhere in Mandaluyong.

Mahal ang renta ng Imus Productions sa nasabing warehouse na plano raw nilang gamitin uli sa prequel ng movie.

* * *

Last July pala mag-MU (mutual admiration) sina Ciara Sotto and Paolo Ballesteros. Yes, as in six months na silang close. Kaya lang wala pang label kung paano idi-describe ni Ciara ang set-up nila ng co-host niya sa Eat Bulaga.

Nag-start daw ang nasabing set-up nang mag-celebrate siya ng birthday sa Hong Kong kung saan kasama ang grupo ng Eat Bulaga. "Siya ang gumising sa akin no’n. Pero wala siyang binigay na regalo, kuripot ‘yun eh," she reveals in an interview para sa launching ng kanyang bagong album under Sony BMG Records Pilipinas, "Ciara Sotto The Way of Love."

"Kahit walang gift, okey na rin ‘yun sa akin. At least meron naman akong naging taga-bitbit ng mga items na na-shopping namin."

At kung meron mang song sa kanyang album na for Paolo, ito ay ang "All The Things You Are."

Eh paano si John Lloyd Cruz? Any song for him?

"Wala na ‘yun," mabilis na sagot ni Ciara.

Anyway, walong taon na palang nag-aaral sa University of Sto. Tomas si Ciara taking up Conservatory of Music. Hindi raw kasi number of years ang kina-count sa kanyang kurso kundi ang level - dapat daw ma-reach mo ang level 8 bago maka-graduate. Eh sa kaso ni Ciara, gradual ang ginagawa niyang pagkuha sa kurso dahil nga meron din naman siyang career na inaasikaso. "Nasa level 6 pa lang ako, so mga two years pa," sabi ni Ciara.

Saka pailan-ilang subject ang kinukuha dahil na rin sa kanyang showbiz commitment. "Gradual lang pag-aaral ko kaya medyo matagal bago matapos," sabi ni Ciara.

Kung tutuusin, para na rin siyang nagdo-doctor sa kanyang kurso.

Anyway, very proud si Ciara sa kanyang bagong album dahil pawang mga songs no’ng panahon ng kanyang mommy Helen Gamboa and ex-Sen. Tito Sotto ang kasama sa album na out na sa lahat ng record bars nationwide under Sony BMG Records Pilipinas.

* * *

Ipinakilala kamakailan ang Philippine Youth Symphonic Band (PYSB), an ensemble of 62 versatile, young musicians na nag-training sa Summer Music Camps. Suportado ang launching ng grupo ng malalaking pangalan sa recording, theater and concert scenes like Martin Nieverra, Lea Salonga, Gerard Salonga, Rachelle Gerodias, Richard Merck and Cris Villonco.

Ang PYSB na ang mga member ay edad 11-12 ay tinuruan ng music theory, harmony, solo instrument and ensemble play.

May sarilng Camp 7 recording ang grupo na distributed ng Sony BMG Music Entertainment at available sa inyong favorite record outlets.

Catch them sa December 17, 6:00 p.m. sa Bel-Air Barangay Center in Makati, December 18, 5:30 p.m. at Alabang Town Center with Cris Villonco and Marco Pascual, and on December 20, 4:00 p.m. sa Rockwell Concourse level kasama ulo si Cris Villonco.