Paskong Sexbomb

Halos hindi na naghiwalay ang grupong Sexbomb sa dami ng kanilang trabaho. Araw-araw ang hataw nila. Pero ngayong Pasko, papayagan sila Rochelle, Jopay, Izzy, Sunshine, Jacque, Cheche, Weng, Aira, Evette, Jholan at Aifa ng kanilang nanaynanayang si Joy Cancio na umuwi sa kani-kanilang pamilya to enjoy Christmas, para salubungin ang darating na Kapaskuhan.

Magiging masaya ang pagdiriwang nila ng Kapaskuhan dahil may magandang buhay na sila. Kahit mahirap ang buhay ngayon, marami silang trabaho. Top rating lahat ng palabas nila sa TV (Daisy Siete, Eat Bulaga) at maski sa mga dance concert nila. Gumagaling na rin silang artista, maging ang mga bigating artista ay napahanga nila tulad nina Celia Rodriguez, Angie Ferro, Odette Khan, Luz Fernandez, Mely Tagasa, Daniel Fenando, Tirso Cruz III, Tonton Gutierrez, Yul Servo at mga ex-beauty queens na sina Evangeline Pascual, Melanie Marquez, Beth Oropesa (naging Miss Luzon) Maricel Morales at Ms. Joanne Quintas.

Sikat na nga ang Sexbomb at patuloy pa silang sumisikat. — Vir Gonzales