Aiai, mas may pera kaysa kay Regine?

Kung hindi magbabago ang plano ay bukas, Huwebes, November 3 ang first shooting day ni Aiai delas Alas sa Star Cinema kasama sina Joseph Bitangcol at Sandara Park para sa pelikulang I Love You, Lucky.

Tapos na ni Ms. A ang Shake, Rattle and Roll ng Regal Entertainment kaya’t hindi siya gaanong mapapagod sa pagso-shooting dahil hindi naman daw siya maglalagare.

At higit sa lahat, "Excited ako, gagawa na ako sa Star Cinema. Tagal kong hindi gumawa sa kanila, di ba natapos ang kontrata ko na hindi naman nasunod yung movie na gagawin ko?" say niya.

Samantala, sa concert ni Regine Velasquez na Reflections na gaganapin sa Aliw Theater simula sa November 4 hanggang December 10 ay si Aiai pala ang gaganap na Regine after 20 years.

Kaya pala Reflections ang titulo ay ipapakita ni Regine kung sino siya nung bata na gagampanan ng anak nina Cacai at Raul Mitra, nung naging dalagita ay si Kim Flores na at nung tumanda na at rumaraket pa rin ay si Aiai na, na tiyak na babalahurain ng comedy concert queen si Songbird.

Anyway, wala raw presscon si Regine para sa concert niya dahil nagtitipid, (para may pambayad sa BIR?) ito ang say ng publicist, kaya’t si Aiai na lang daw ang ipapa-presscon ng Backroom, Inc dahil as of now, mas may pera ito kaysa kay Songbird na siyang producer ng concert, ganun?

* * *

Bagama’t hindi man lang nabanggit ang name ni Angel Locsin bilang isa sa cast ng pelikulang Sigaw (dahil sina Iza Calzado, Ella Guevara at Richard Gutierrez ang mas pinag-usapan) ng mga nanggaling ng Los Angeles na dumalo sa Screamfest LA 2005 ay masayang-masaya na rin siya dahil nanalo ang pelikula ng dalawang award, Best Sound at Musical Score.

Mukhang hindi matutuloy ang isang buwang bakasyon ng dalaga dahil after pala ng taping ng Darna ay lagare naman siya para sa shooting ng Mulawin, The Movie at ang pang Valentine’s Day offering na I Will Always Love You nila ni Richard.

"Siguro, mga three days lang ang bakanteng araw ni ‘Gel at magtutulog ‘yun," pahayag sa amin ng personal assistant niyang si Cynthia Valconcha.

Samantala, habang walang taping ay isasabay na rin niya ang pag-aaral ng martial arts na paggagamitan niya para sa bago niyang project sa GMA 7 na next year na uumpisahan.

Samantala, ayaw namang mag-comment ng dalaga tungkol sa babaeng nagki-claimed na naanakan siya ni Miko dahil katwiran niya, matagal nang isyu yan at nauulit lang dahil daw ba sa Araw ng mga Patay ngayon? – REGGEE BONOAN